ଫୁଲବାଣୀ: କନ୍ଧମାଳ ଜିଲ୍ଲାକୁ ଦିନିକିଆ ଗସ୍ତ କରିଛନ୍ତି ରାଜ୍ୟ ଯୋଜନା ବୋର୍ଡର ଉପାଧ୍ୟକ୍ଷ ସଞ୍ଜୟ ଦାସବର୍ମା । ସେ ଫୁଲବାଣୀରେ ବିଭିନ୍ନ ଯୋଜନା ସମ୍ପର୍କରେ ସମୀକ୍ଷା କରିଛନ୍ତି । ଜିଲ୍ଲାର ସବୁ ବ୍ଲକରେ ମେଗା ପାଇପ ପାଣି ଯୋଗାଣ ଯୋଜନା କାର୍ଯ୍ୟକାରୀ କରିବାକୁ ପଦକ୍ଷେପ ନିଆଯାଉଛି । ଏହାସହ ଜିଲ୍ଲାରେ ମହାତ୍ମା ଗାନ୍ଧୀ କର୍ମନିଯୁକ୍ତି ଯୋଜନାରେ 76 ପ୍ରତିଶତ ଲକ୍ଷ୍ୟ ହାସଲ କରାଯାଇଥିବା ରାଜ୍ୟ ଯୋଜନା ବୋର୍ଡ ଉପାଧ୍ୟକ୍ଷ ସୂଚନା ଦେଇଛନ୍ତି ।
କନ୍ଧମାଳ ଗସ୍ତରେ ରାଜ୍ୟ ଯୋଜନା ବୋର୍ଡ ଅଧ୍ୟକ୍ଷ, ବିଭିନ୍ନ ପ୍ରକଳ୍ପର କଲେ ସମୀକ୍ଷା
କନ୍ଧମାଳ ଜିଲ୍ଲାରେ ଅନେକ ଜଙ୍ଗଲ ଅଞ୍ଚଳ ଥିବାରୁ ଅନେକ ଚେକ ଡ୍ୟାମ ନିର୍ମାଣ ଲକ୍ଷ୍ୟ ରଖାଯାଇଛି । ଏହାଦ୍ୱାରା ଜଳସେଚନ ଓ ଜଳ ସଂରକ୍ଷଣ କରାଯାଇପାରିବ । ଜିଲ୍ଲାର ସବୁ ବ୍ଳକରେ ମେଗା ଜଳ ଯୋଗାଣ ପ୍ରକଳ୍ପ ହେବ । ଅଧପନ୍ତରିଆ ପ୍ରକଳ୍ପ ଶେଷ ପାଇଁ ପ୍ରାଥମିକତା ଦିଆଯିବ ବୋଲି କହିଛନ୍ତି ଯୋଜନା ବୋର୍ଡ ଉପାଧକ୍ଷ ସଞ୍ଜୟ ଦାସବର୍ମା ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
