ଫୁଲବାଣୀ: କନ୍ଧମାଳ ଜିଲ୍ଲା ଜେଲରୁ ବାହାରକୁ ସାମଗ୍ରୀ ବିକ୍ରି କରିବାକୁ ଆସିଥିବାବେଳେ ୱାର୍ଡରଙ୍କ ବାଇକ୍ ନେଇ କଏଦୀ ଗୋପିନାଥ ନାୟକ ଚମ୍ପଟ ମାରିବା ମାମଲାର ତଦନ୍ତ କରିବା ପାଇଁ ଆଜି ଜେଲ ଡିଆଇଜି ରଘୁନାଥ ମାଝି ଫୁଲବାଣୀ ପହଞ୍ଚି ତଦନ୍ତ କରିଛନ୍ତି ।
ଜେଲ ପରିସରରେ ପହଞ୍ଚିବା ପରେ ଡିଆଇଜି ଘଟଣା ଦିନ ଥିବା ସମସ୍ତ କର୍ମଚାରୀଙ୍କୁ ପୃଥକ ଭାବେ ପଚରା ଉଚୁରା କରିଥିଲେ । ଏହା ସହିତ ଜେଲ୍ କାଗଜପତ୍ର ଯାଞ୍ଚ କରିଥିଲେ । ତେବେ ସେ ରିପୋର୍ଟ ସରକାରଙ୍କୁ ପ୍ରଦାନ କରିବେ ବୋଲି କହି କ୍ୟାମେରା ସାମ୍ନାରେ କିଛି କହିବାକୁ ରାଜି ହୋଇ ନ ଥିଲେ ।
ଏହି ମାମଲାରେ ପ୍ରାଥମିକ ତଦନ୍ତ ପରେ ଜେଲ୍ ଡିଜିଙ୍କ ନିର୍ଦ୍ଦେଶରେ ଦୁଇଜଣ ୱାର୍ଡରଙ୍କୁ ପୂର୍ବରୁ ନିଲମ୍ବିତ କରାଯାଇଛି । କେତେକ କର୍ମଚାରୀ ଦୋଷୀଙ୍କୁ ଘଣ୍ଟ ଘୋଡା ଯାଉଥିବା ଅଭିଯୋଗ ହେଉଛି । ଫେରାର୍ ହୋଇଯାଇଥିବା କଏଦୀ ଗୋପିନାଥ ଏକ ନାବାଳିକା ଦୁଷ୍କର୍ମ ମାମଲାରେ ଦୋଷୀ ସାବ୍ୟସ୍ତ ହୋଇ କୋଡିଏ ବର୍ଷ ଜେଲ ଦଣ୍ଡ ଭୋଗୁଥିଲେ । ସପ୍ତାହେ ପରେ ମଧ୍ୟ ଫେରାର୍ କଏଦୀର ପତ୍ତା ମିଳି ନାହିଁ ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
