ଫୁଲବାଣୀ: ଦୁଷ୍କର୍ମ ଅଭିଯୋଗରେ ଯୁବକ ଗିରଫ । ଅଭିଯୁକ୍ତ ହେଉଛନ୍ତି କନ୍ଧମାଳ ଜିଲ୍ଲା ସାରଙ୍ଗଗଡ ଥାନା ଅନ୍ତର୍ଗତ ମଗଡୀଙ୍ଗିଆ ଗପୁଗୁଡା ଗାଁର ଆନନ୍ଦ ଡିଗାଲ( ୨୯ ) । ଅଭିଯୋଗ ପରେ ଆନନ୍ଦକୁ ଗିରଫ କରି କୋର୍ଟ ଚାଲାଣ କରିଛି ଫିରିଙ୍ଗିଆ ଥାନା ପୋଲିସ ।
ସୂଚନା ଅନୁସାରେ ଫିରିଙ୍ଗିଆ ଥାନା ଅଞ୍ଚଳର ଜଣେ ଯୁବତୀଙ୍କୁ ବିବାହର ପ୍ରତିଶ୍ରୁତି ଦେଇ ବାରମ୍ବାର ଶାରୀରିକ ସମ୍ପର୍କ ରଖିବା ପରେ ଅନ୍ୟତ୍ର ବିବାହ କରିଥିଲା ଆନନ୍ଦ । ଏହି ବିବାହ ସମ୍ପର୍କରେ ଜାଣିବା ପରେ ନ୍ୟାୟ ପାଇବା ଆଶାରେ ପୀଡ଼ିତା ଆନନ୍ଦ ଘରକୁ ଯାଇଥିଲେ । ତେବେ ସେଠାରେ ତାର ପରିବାର ଲୋକେ ଗାଳିଗୁଲଜ କରିବା ସହ ମାଡ଼ ମାରି ଘରୁ ତଡ଼ି ଦେଇଥିଲେ । ଏହାପରେ ସେ ଫିରିଙ୍ଗିଆ ଥାନାରେ ଲିଖତ ଅଭିଯୋଗ କରିଥିଲେ । ଅଭିଯୋଗ ଆଧାରରେ ପୋଲିସ ଘଟଣାର ତଦନ୍ତ କରିବା ସହ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛି ।
ଇଟିଭି ଭାରତ, କନ୍ଧମାଳ
