ଫୁଲବାଣୀ: କନ୍ଧମାଳ ସହରରେ କୋରୋନା ସଂକ୍ରମଣ ଚିହ୍ନଟ ପରେ ଜିଲ୍ଲା ପ୍ରଶାସନ ସହରକୁ କଣ୍ଟେନମେଣ୍ଟ ଜୋନ ଘୋଷଣା କରାଯାଇଛି । ଲୋକଙ୍କୁ ବାହାରକୁ ନ ବାହାରିବା ପାଇଁ ନିର୍ଦ୍ଦେଶ ଜାରି କରାଯାଇଛି । କିନ୍ତୁ ଏହି ନିୟମକୁ ମାନୁ ନାହାଁନ୍ତି ସହରବାସୀ । ଡାକପଲା ଦାମିଗାଁ ନିକଟରେ ବ୍ୟାରିକେଡ କରାଯାଇ ନାହିଁ । ଫଳରେ ଲୋକମାନେ ଅବାଧରେ ପ୍ରବେଶ କରୁଛନ୍ତି ।
ଫୁଲବାଣୀ ସହର କଣ୍ଟେନମେଣ୍ଟ ଜୋନ ଘୋଷଣା , ମୁକୁଳା ପଡିଛି 5ଟି ପ୍ରବେଶ
ସେହିପରି କୋରୋନା ପଜେଟିଭ ଚିହ୍ନଟ ହୋଇଥିବା କବରଖାନା ସାହିକୁ ମଧ୍ୟ ଲୋକେ ଅବାଧରେ ଯିବାଆସିବା କରୁଛନ୍ତି। ସହରର 5ଟି ପ୍ରବେଶ ପଥକୁ ବନ୍ଦ କରି ପୋଲିସ ପଇଁତରା ମାରିବା କଥା ହେଲେ, ସେ ସମସ୍ତ ପ୍ରବେଶ ପଥ ମୁକୁଳା ପଡିଛି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
