ଫୁଲବାଣୀ: କନ୍ଧମାଳ ଓ ଗଞ୍ଜାମ ସୀମାନ୍ତ କଳିଙ୍ଗା ଘାଟିରେ ସଡକ ଦୁର୍ଘଟଣା । ବାଇକ ସ୍ଲିପ କରି ଗାଡୱାଲରେ ପିଟି ହେବା ଫଳରେ ଜଣଙ୍କର ମୃତ୍ୟୁ ହୋଇଛି। ମୃତକ ଜଣକ ହେଲେ ଗଞ୍ଜାମ ଜିଲ୍ଲା ରମ୍ଭାର ସୁବ୍ରତ କୁମାର ଦାସ ।
ସୂଚନାଅନୁସାରେ ସୁବ୍ରତ ତାଙ୍କ ବନ୍ଧୁ ସୁନିଲଙ୍କ ସହିତ ଟିକାବାଲି ଛତିଝରରେ ଥିବା ମାଉସୀଙ୍କ ଘରକୁ ଯାଇଥିଲେ । ମାଉସୀଙ୍କ ଘରୁ ନିଜ ଘରକୁ ଫେରୁଥିବାବେଳେ କଳିଙ୍ଗା ଘାଟିଠାରୁ ଏକ କିଲୋମିଟର ପରେ ବୁଲାଣି ପାଖରେ ତାଙ୍କ ବାଇକ ସ୍ଲିପ ହୋଇଯାଇଥିଲା । ବାଇକଟି ସେଠାରେ ଥିବା ଗାଡୱାଲରେ ପିଟି ହୋଇଯାଇଥିଲା । ଘଟଣାସ୍ଥଳରେ ହିଁ ସୁବ୍ରତଙ୍କ ମୃତ୍ୟୁ ହୋଇଛି । ସୁନିଲ ସମାନ୍ୟ ଆହତ ହୋଇଛନ୍ତି ।
ଏନେଇ ଜି.ଉଦୟଗିରି ପୋଲିସ ଘଟଣାରେ15/2021ରେ ଏକ ମାମଲା ରୁଜ୍ଜୁ କରି ତଦନ୍ତ ଚଲାଇଥିବା କହିଛନ୍ତି ଥାନା ଅଧିକାରୀ ନରେଶ ସାହୁ ।
ସୁବ୍ରତ ତାଙ୍କ ବାପାମାଆଙ୍କର ଗୋଟିଏ ବୋଲି ପୁଅ ଥିଲେ । ଆଇଟିଆଇ ଚାକିରି ଛାଡି ସେ ପିଲାଙ୍କୁ କମ୍ପ୍ୟୁଟର ଶିଖାଉଥିଲେ । ପୁଅକୁ ହରାଇ ଦୁଃଖରେ ମ୍ରିୟମାଣ ହୋଇପଡିଛନ୍ତି ପରିବାରଲୋକେ ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
