ଫୁଲବାଣୀ: କନ୍ଧମାଳରେ ଯୁବକଙ୍କୁ ଗୁଳିମାଡ । ଜଙ୍ଗଲକୁ କାଠ ସଂଗ୍ରହ ପାଇଁ ଯାଇଥିବା ବେଳେ ଗୁଳିମାଡର ଶିକାର ହୋଇଛନ୍ତି ଯୁବକ । ଗୁରୁତର ଯୁବକ ହେଲେ ଟିକାବାଲି ଥାନା ଅଧିନସ୍ଥ କମ୍ବରିକିଆ ଗାଁର ଜନକ ମଳିକ । ସେ ନିକଟସ୍ଥ ମିଣିଆକଲି ଜଙ୍ଗଲରେ କାଠ ସଂଗ୍ରହ କରୁଥିବା ବେଳେ ଗୁଳିମାଡ ହୋଇଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, କନ୍ଧମାଳ
ଗୁଳି ତାଙ୍କ ଜଙ୍ଘରେ ବାଜିଛି । ଫଳରେ ସେ ଗୁରୁତର ଆହତ ହୋଇଛନ୍ତି । ସଙ୍ଗେ ସଙ୍ଗେ ତାଙ୍କୁ ପ୍ରଥମେ ଟିକାବାଲି ପରେ ଫୁଲବାଣୀ ମେଡିକାଲରେ ଭର୍ତ୍ତି କରାଯାଇଛି । ତେବେ କେଉଁ କାରଣରୁ ତାଙ୍କ ଉପରେ ଗୁଳିମାଡ ହୋଇଛି ତାହା ଜଣାପଡି ନାହିଁ । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
