ଫୁଲବାଣୀ: କନ୍ଧମାଳରେ ଲଜ୍ୟା । ଚକାପାଦ ଅଞ୍ଚଳରେ ନାବାଳିକା ଆଦିବାସୀ ଛାତ୍ରୀକୁ ଅପହରଣ ପରେ ଦୁଷ୍କର୍ମ ଅଭିଯୋଗ । ଏତଲା ପରେ ଅଭିଯୁକ୍ତ ରଣଗାଁର ପ୍ରସନ୍ନ କୁମାର ଦେହୁରୀକୁ ଗରିଫ କଲା ପୋଲିସ ।
ଅଭିଯୋଗ ଅନୁଯାୟୀ, ଜିଲ୍ଲାର ପ୍ରମୁଖ ପର୍ଯ୍ୟଟନସ୍ଥଳୀ ଚକାପାଦକୁ ଯାତ୍ରା ଦେଖିବାକୁ ଆସିଥିବାବେଳେ ନାବାଳିକା ଆଦିବାସୀ ଛାତ୍ରୀଙ୍କୁ ଅପହରଣ କରି ନିକଟବର୍ତ୍ତୀ ଜଙ୍ଗଲକୁ ନେଇ ଯାଇଥିଲା ଦୁର୍ବୃତ୍ତ । ପରେ ସେଠାରେ ଦୁଷ୍କର୍ମ କରି ଛାଡି ପଳାଇଥିଲା । ପରିବାର ଲୋକେ ଖୋଜାଖୋଜି କରି ନାବାଳିକାକୁ ପାଇବା ପରେ ଥାନାରେ ଏତଲା ଦେଇଥିଲେ ।
ଅଭିଯୋଗ ପରେ ପୋଲିସ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଥିଲା । ତେବେ ଫୁଲବାଣୀ ଜିଲ୍ଲା ଦୌରା ଜଜ୍ କୋର୍ଟରେ ଅଭିଯୁକ୍ତର ଜାମିନ ନାମଞ୍ଜୁର ହେବା ପରେ ତାକୁ ଜେଲକୁ ପଠାଇ ଦିଆଯାଇଛି । ସେପଟେ ମାଜିଷ୍ଟ୍ରେଟଙ୍କ ଠାରେ ପଡୀତାର ବୟାନ ରେକର୍ଡ କରାଯାଇଛି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
