ଫୁଲବାଣୀ: କନ୍ଧମାଳ ଜିଲ୍ଲାରେ ଶେଷ ହୋଇଛି ଜାତୀୟ ଲୋକ ଅଦାଲତ । ଏହି ଲୋକ ଅଦାଲତରେ ଦେଢ଼ ଶହରୁ ଅଧିକ ମାମଲାର ଫଇସଲା କରାଯିବା ସହ ପ୍ରାୟ ଚାଳିଶ ଲକ୍ଷ ଟଙ୍କା ଅସୁଲ କରାଯାଇଛି । ଡ଼ିଏଲଏସଏ ସମ୍ମିଳନୀ କକ୍ଷରେ ଚାଲିଥିବା ଏହି ଲୋକ ଅଦାଲତ ବାରମ୍ବାର ବିଦ୍ୟୁତ କାଟ ଯୋଗୁଁ ଅନ୍ଧାରରେ ଚାଲିଥିଲା । ଏଥିରେ ମୋବାଇଲ ଲାଇଟ ଲଗାଇ କର୍ମଚାରୀମାନେ କାମ ଚଳାଉଥିବା ଦେଖିବାକୁ ମିଳିଛି ।
ଅନ୍ଧାରରେ ଚାଲିଲା ଲୋକ ଅଦାଲତ, 40 ଲକ୍ଷ ଅସୁଲ
ସେହିପରି ଜିଲ୍ଲାର ବାଲିଗୁଡା,ଘୁ.ଉଦୟଗିରି, ଦାରିଙ୍ଗବାଡିରେ ମଧ୍ୟ ଲୋକ ଅଦାଲତ ଅନୁଷ୍ଠିତ ହୋଇଛି । ଲୋକ ଅଦାଲତ ଦ୍ବାରା ଲୋକେ ଉପକୃତ ହେଉଥିବା ଦେଖିବାକୁ ମିଳିଛି । ତେବେ ଏ ଦିଗରେ ଅଧିକ ସଚେତନ ହେଲେ ଗାଁ ଗହଳିର ଲୋକେ ଅଧିକ ଉପକୃତ ହେବେ ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
