ଫୁଲବାଣୀ: ଜିଲ୍ଲାସ୍ଥିତ ଫିରିଙ୍ଗିଆ ପଞ୍ଚାୟତ ବିଦ୍ୟାଳୟ ନିକଟରେ ଏକ ଅଜଣା ଗାଡି ସହ ବାଇକର ଧକ୍କା ହୋଇଛି । ଫଳରେ ଘଟଣାସ୍ଥଳରେ ବାଇକରେ ବସିଥିବା ବ୍ୟକ୍ତିଙ୍କ ମୃତ୍ୟୁ ହୋଇଥିବାବେଳେ ଡାକ୍ତରଖାନାରେ ବାଇକ ଚାଳକଙ୍କ ମୃତ୍ୟୁ ଘଟିଛି ।
କନ୍ଧମାଳରେ ସଡକ ଦୁର୍ଘଟଣା
ମୃତକ ଦ୍ବୟ ଖଜୁରୀପଡା ବ୍ଲକ ଅନ୍ତର୍ଗତ ଦଳପଡା ଗ୍ରାମର ମଧୁସୂଦନ ବେହେରା ଓ ଗୁଣ୍ଡ୍ରିବାଡିର କ୍ଷେତ୍ରବାସୀ ଦିଗାଲ । ପ୍ରବଳ ବର୍ଷା ସମୟରେ ଏମାନେ ରତଙ୍ଗ ପଟୁ ଆସୁଥିବାବେଳେ ଏକ ଅଜଣା ଗାଡି ସହ ଧକ୍କା ହୋଇଥିବା ସ୍ଥାନୀୟ ଲୋକଙ୍କ ପକ୍ଷରୁ ସୂଚନା ମିଳିଛି । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଏଥିସହ ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
