ଫୁଲବାଣୀ: ପୌର ନିର୍ବାଚନ ପାଇଁ କଂଗ୍ରେସ ଦଳ ପକ୍ଷରୁ ପ୍ରାର୍ଥୀ ଘୋଷଣା । କନ୍ଧମାଳ ଜିଲ୍ଲାର ପୌର ପରିଷଦ ପାଇଁ କଂଗ୍ରେସର ପୌର ଅଧ୍ୟକ୍ଷ ପ୍ରାର୍ଥୀ ହେଲେ ସବିତା ମହାନ୍ତି । ଏଥିସହ କନ୍ଧମାଳ ଜିଲା ଫୁଲବାଣୀ ପୌର ପରିଷଦ ଅଧ୍ୟକ୍ଷ ଓ 13ଟି ପୌର ପରିଷଦର ପ୍ରାର୍ଥୀଙ୍କ ନାମ ଘୋଷଣା କରାଯାଇଛି ।
ସେହିପରି ଫୁଲବାଣୀ ଜିଲ୍ଲା କଂଗ୍ରେସ ଜିଲା ସଭାପତି ଅନାମ ନାୟକ ଓ ଅନ୍ୟ ନେତାଙ୍କ ଉପସ୍ଥିତିରେ ପ୍ରାର୍ଥୀଙ୍କ ନାମ ଘୋଷଣା କରା ଯାଇଥିଲା । ଫୁଲବାଣୀ ପୌର ପରିଷଦରେ ରହିଛି ଅନେକ ସମସ୍ୟା । ସହରରେ ରହିଥିବା ଲୋକଙ୍କ ପାଖରେ ସ୍ଥାୟୀ ପଟ୍ଟା ନଥିବାରୁ ଏମାନଙ୍କୁ ସ୍ଥାୟୀ ପଟ୍ଟା ପ୍ରଦାନ କରିବା ମୁଖ୍ୟ ମୁଦ୍ଦା ରହିବ ବୋଲି କଂଗ୍ରେସ କହିଛି ।
ଅନ୍ୟପଟେ ଜିଲ୍ଲାର ସମସ୍ତ ପୌର ପରିଷଦ ୱାର୍ଡରେ ପାନୀୟ ଜଳ ସମସ୍ୟା ରହିଛି । ଏହି ସବୁ ମୁଦ୍ଦାକୁ ନେଇ କଂଗ୍ରେସ ଭୋଟରଙ୍କ ପାଖକୁ ଯିବ ବୋଲି କଂଗ୍ରେସ କହିଛି । ତେବେ ଗତକାଲି ବିଜେଡ଼ି ପ୍ରାର୍ଥୀ ଘୋଷାଣା କରିଥିବାବେଳେ ଆଜି କଂଗ୍ରେସ ତାର ପ୍ରାର୍ଥୀ ଘୋଷଣା କରିଛି । ଏପଟେ ବିଜେପି ବର୍ତ୍ତମାନ ସୁଦ୍ଧା ପ୍ରାର୍ଥୀ ଘୋଷଣା କରିନାହିଁ ।
କନ୍ଧମାଳରୁ ସଞ୍ଜୟ ପାତ୍ର, ଇଟିଭି ଭାରତ
