ଫୁଲବାଣୀ: କନ୍ଧମାଳ ଜିଲ୍ଲା ସାରଙ୍ଗଡ଼ ଥାନା ପୋଲିସ ପକ୍ଷରୁ ଦେଶୀ ମଦ ଭାଟିରେ ଚଢ଼ାଉ କରାଯାଇଛି । ଚଢ଼ାଉରେ ୧୨୦ କେଜି ପୋଚ ନଷ୍ଟ କରିବା ସହ ୬୦ ଲିଟର ମହୁଲ ମଦ ଜବତ କରିଛି ପୋଲିସ । ଦୁଇ ମହିଳାଙ୍କ ସମେତ ତିନିଜଣକୁ ଗିରଫ କରି କୋର୍ଟ ଚାଲାଣ କରିଛି ସାରଙ୍ଗଡ଼ ପୋଲିସ ।
କୋରୋନାକୁ ନେଇ ଲୋକେ ଆତଙ୍କିତ ଥିବାବେଳେ କିଛି ଅସାମାଜିକ ଲୋକେ ଦେଶୀମଦ ରନ୍ଧା ଓ ବିକ୍ରି କରିବାରେ ଲାଗିପଡ଼ିଛନ୍ତି । ପୂର୍ବ ସୂଚନା ପ୍ରକାରେ ମଙ୍ଗଳବାର ସାରଙ୍ଗଡ଼ ଥାନା ଅଧିକାରୀ ଅନିତା କିଡ୍ଡୋ ନିଜ ଟିମ୍ ସହ ବେଆଇନ୍ ମଦ ଭାଟିରେ ଅଚାନକ ଚଢ଼ାଉ କରିଥିଲେ । ଘଟଣାସ୍ଥଳରୁ ୧୨୦କେଜି ପୋଚ ନଷ୍ଟ କରିବା ସହ ୬୦ ଲିଟର ରନ୍ଧା ମହୁଲି ମଦ ଜବତ କରିଛି ପୋଲିସ ।
ଗିରଫ ହୋଇଥିବା ୩ଜଣଙ୍କ ମଧ୍ୟରୁ କୁମୁଦିନୀ ବେହେରା ଓ ଗୋପିନାଥ ନାୟକ ଗୁଡ୍ରିପଡ଼ି ଅଞ୍ଚଳର ହୋଇଥିବା ବେଳେ ଯଶୋଦା ନାୟକ ପାଡାଙ୍ଗି ଅଞ୍ଚଳର ହୋଇଥିବା ପୋଲିସ ତରଫରୁ ସୂଚନା ଦିଆଯାଇଛି । ଆଗାମୀ ଦିନରେ ଏପରି ଚଢାଉ ଜୋରଦାର କରାଯିବ ବୋଲି ପୋଲିସ ସୂଚନା ଦେଇଛି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
