ଫୁଲବାଣୀ: ନିକଟରେ ଲଗାଣ ବର୍ଷା ପ୍ରଭାବରେ ମାଲକାନଗିରି ଓ ଜୟପୁର ମଧ୍ୟରେ ଯୋଗାଯୋଗ ବିଚ୍ଛିନ୍ନ ଥିଲା । ଏବେ ସେହି ସମାନ ଦଶା କନ୍ଧମାଳ ଜିଲ୍ଲାରେ ଦେଖିବାକୁ ମିଳିଛି । ଲଗାଣ ବର୍ଷା ଯୋଗୁଁ ବାଲିଗୁଡା ବାଟାଗୁଡାସ୍ଥିତ ଏକ ନିର୍ମାଣାଧିନ ପୋଲର ଡାଇଭରସନ ରାସ୍ତା ଧୋଇ ଯାଇଛି । ଫଳରେ କନ୍ଧମାଳ ଏବଂ କଳାହାଣ୍ଡି ମଧ୍ୟରେ ଯାତାୟତ ବିଚ୍ଛିନ୍ନ ହୋଇଛି ।
ରାଜ୍ୟରେ ଲାଗିରହିଛି ବର୍ଷା । ତେବେ ଏହାର ଅଧିକ ପ୍ରଭାବ ଦକ୍ଷିଣ ଓଡିଶାରେ ଦେଖିବାକୁ ମିଳିଛି । କନ୍ଧମାଳ ଜିଲ୍ଲାରେ ପ୍ରବଳ ବର୍ଷା ଯୋଗୁଁ ସବୁ ନଦୀରେ ବନ୍ୟା ସୃଷ୍ଟି ହୋଇଛି । ବନ୍ୟା ଜଳ ଯୋଗୁଁ ହଠାତ୍ ରାସ୍ତାରେ ପାହାଡି ପାଣି ମାଡି ଆସିଥିଲା । ଫଳରେ ନିର୍ମାଣଧିନ ପୋଲ ଡାଇଭରସନ ରାସ୍ତା ଧୋଇ ଯାଇଛି ।
ସେପଟେ ସୋମବାର ଏନଏଚ୍ 59 ଯୋଗାଯୋଗରୁ ବିଚ୍ଛିନ୍ନ ହୋଇଛି । ବର୍ତ୍ତମାନ କନ୍ଧମାଳରୁ କଳାହାଣ୍ଡି ରାୟଗଡା ରାୟପୁର ପ୍ରଭୃତିକୁ ରାସ୍ତା ବନ୍ଦ । ଏପଟେ ବର୍ଷା କାରଣରୁ ମରାମତି କାମ କରାଯିବା ସମ୍ଭବ ହେଉନାହିଁ । ଫଳରେ ଶହ ଶହ ଗାଡ଼ି ଅଟକି ରହିଛି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
