ଫୁଲବାଣୀ: କନ୍ଧମାଳରୁ 57 କେଜି ଗଞ୍ଜେଇ ଜବତ । ଶନିବାର କନ୍ଧମାଳ ଜିଲ୍ଲା ଫିରିଙ୍ଗିଆ ଥାନା ପବିଙ୍ଗିଆ ଠାରେ ଏକ ଗଞ୍ଜେଇ ଚାଲାଣ କାର ଜବତ ସହ ଜଣଙ୍କୁ ଗିରଫ କରିଛି ପୋଲିସ ।
ଭିଡିଓ ସୌଜନ୍ୟ: ସମ୍ବାଦଦାତା, କନ୍ଧମାଳ
ସୂଚନା ଅନୁଯାୟୀ, ଶନିବାର କନ୍ଧମାଳରୁ ନୟାଗଡ ଜିଲ୍ଲାକୁ ଏକ କାରରେ ଗଞ୍ଜେଇ ଚାଲାଣ ହେଉଥିବା ବେଳେ ପୋଲିସ ଉକ୍ତ ଗାଡିରୁ 57 କେଜି ଗଞ୍ଜେଇ ଜବତ କରିଛି । ଏଥିସହ ସମ୍ପୃକ୍ତ ଜଣେ ବ୍ୟକ୍ତିଙ୍କୁ ଗିରଫ କରି ଫୁଲବାଣୀ କୋର୍ଟ ଚାଲାଣ କରିଛି ପୋଲିସ ।
ଗିରଫ ହୋଇଥିବା ଅଭିଯୁକ୍ତ ଜଣଙ୍କ ନୟାଗଡ ଜିଲ୍ଲା ଗଣିଆ ବେଲପଡା ଗାଁର ପ୍ରକାଶ କୁମାର ସ୍ବାଇଁ ବୋଲି ଜଣାପଡିଛି । ତେବେ ଜବତ ହୋଇଥିବା ଗଞ୍ଜେଇର ଆନୁମାନିକ ମୂଲ୍ୟ 2 ରୁ 3 ଲକ୍ଷ ଟଙ୍କା ହେବ ବୋଲି ଆକଳନ କରାଯାଉଛି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
