କନ୍ଧମାଳ: ଜିଲ୍ଲାରେ ପୁଣି ଗଞ୍ଜେଇ ଚୋରା ଚାଲାଣ । ସୋମବାର କନ୍ଧମାଳରୁ ଅନୁଗୁଳକୁ ଗଞ୍ଜେଇ ଚାଲାଣ ବେଳେ ରେଡ ମାରିଛି ପୋଲିସ୍ । ଫିରିଙ୍ଗିଆ ପୋଲିସ୍ ଟେଲାପାଲି ଛକରେ ଜବତ କରିଛି ଏକ କୁଇଣ୍ଟାଲରୁ ଅଧିକ ଗଞ୍ଜେଇ । ଏଥି ସହିତ ଦୁଇ ଜଣଙ୍କୁ ଗିରଫ କରିଛି ପୋଲିସ ।
ତେବେ ଏକ କାରରେ 15ଟି ପଲିଥିନ ବ୍ୟାଗରେ ଥିବା 102 କିଲୋଗ୍ରାମ ଗଞ୍ଜେଇକୁ ଜବତ କରିବା ସହିତ ଦୁଇ ଜଣଙ୍କୁ ଗିରଫ କରିଛି । ଗିରଫ ଦୁଇ ଜଣ ହେଲେ ଦେବଗଡ ଜିଲ୍ଲାର ରଞ୍ଜନ ଦେହୁରୀ ଓ ଫିରିଙ୍ଗିଆ ମାଝିପଡାର ସମ୍ପତ୍ତି ପାତ୍ର । ଥାନାରେ ମାମଲା ରୁଜୁ କରାଯାଇଛି ଏବଂ ସେମାନଙ୍କୁ କୋର୍ଟ ଚାଲାଣ କରାଯିବ ବୋଲି କହିଛନ୍ତି ଥାନା ଅଧିକାରୀ ପି. ଶ୍ୟାମ ସୁନ୍ଦର ରାଓ । ଜବତ ଗଞ୍ଜେଇର ମୂଲ୍ୟ ପ୍ରାୟ 3 ଲକ୍ଷ ଟଙ୍କା ହେବ ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
