ଫୁଲବାଣୀ: କନ୍ଧମାଳ ଜିଲ୍ଲା ଫୁଲବାଣୀ ସଦର ମହକୁମା ପଞ୍ଚାୟତ ଭବନଠାରେ କୋରୋନା ପାଇଁ ଜିଲ୍ଲା ପରିଷଦର ସ୍ଵତନ୍ତ୍ର ତଥା ଜରୁରୀ ବୈଠକ ଅନୁଷ୍ଠିତ ହୋଇଯାଇଛି । ଏହି ସମୟ ସମ୍ବେଦନଶୀଳ ଥିବାରୁ ଆଗୁଆ 4 ମାସର ଭତ୍ତା ଓ ପିଡିଏସ୍ ଚାଉଳ ବଣ୍ଟନ କରିବାକୁ ନିଷ୍ପତ୍ତି ନିଆଯାଇଛି ।
କୋରୋନା ମୁକାବିଲା ପାଇଁ ଆୟୋଜିତ ଏହି ବୈଠକରେ କନ୍ଧମାଳ ଜିଲ୍ଲାପାଳ, 3 ନିର୍ବାଚନୀ ମଣ୍ଡଳୀ ବିଧାୟକ ଓ ଜିଲ୍ଲା ପରିଷଦ ଅଧ୍ୟକ୍ଷା ଆକାଂକ୍ଷା ପ୍ରଧାନଙ୍କ ସହ ବିଭିନ୍ନ ବିଭାଗର ସରକାରୀ ଅଧିକାରୀ ଯୋଗ ଦେଇଥିଲେ । ଏହି ବୈଠକର ମୁଖ୍ୟ ଉଦ୍ଦେଶ୍ୟ ରହିଥିଲା କୋରୋନା ସଂକ୍ରମଣକୁ ନେଇ ଚାରିଆଡେ ଆତଙ୍କ ସୃଷ୍ଟି ହେଉଥିବା ବେଳେ ଏହି ସଂକ୍ରମଣରୁ ନିଜକୁ କିଭଳି ଦୂରେଇ ରଖିବା ସେନେଇ ସଚେତନତା ହେବା ସହ ଅନ୍ୟକୁ ସଚେତନ କରାଯିବ ।
ଏହି ସମୟ ସମ୍ବେଦନଶୀଳ ଥିବାରୁ ଆଗୁଆ 4 ମାସର ଭତ୍ତା ଦେବା, ପିଡିଏସ୍ ଚାଉଳ ଓ ସରକାରୀ ଆଶ୍ରମ ସ୍କୁଲରେ ରହୁଥିବା ଛାତ୍ରଛାତ୍ରୀଙ୍କୁ 3 ମାସର ଆଗୁଆ ସ୍କୋଲାରସିପ ପ୍ରଦାନ କରାଯିବ ବୋଲି ଏହି ବୈଠକରେ ନିଷ୍ପତ୍ତି ହୋଇଥିଲା l ଗୋଟିଏ ସ୍ଥାନରେ ଏକତ୍ରିତ ନ ହେବା, ବିଶେଷ କାମ ନଥିଲେ ଘରୁ ନ ବାହାରିବାକୁ ଅନୁରୋଧ କହିଛନ୍ତି କନ୍ଧମାଳ ଜିଲ୍ଲାପାଳ ଡଃ. ବୃନ୍ଦା ଡି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
