ଫୁଲବାଣୀ: ନେତାଙ୍କୁ ସ୍ବଚ୍ଛ ଭାରତର ପାଠ ପଢ଼ାଇଲେ କଲେଜ ଛାତ୍ର । ସ୍ବଚ୍ଛ ଭାରତର ନାରା ଦେଉଛନ୍ତି ନେତା ମନ୍ତ୍ରୀ କିନ୍ତୁ ସେମାନ ପାଳନ କରୁନାହାଁନ୍ତି । ଯାହାର ଜ୍ବଳନ୍ତ ନିଦର୍ଶନ ଦେଖିବାକୁ ମିଳିଛି ଏକ ଭାଇାରାଲ ଭିଡିଓରୁ । ଏଭଳି ଏକ ଭାଇରାଲ ଭିଡିଓ କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ଅଞ୍ଚଳରେ ମୋବାଇଲରୁ ମୋବାଇଲକୁ ଘୁରି ବୁଲୁଛି ।
ଭାଇରାଲ ଭିଡ଼ିଓରେ ଛାତ୍ର ଜଣକ ବିଜେଡି ଦଳର ନେତାଙ୍କ ଉପରେ ପ୍ରବଳ ବର୍ଷିଛନ୍ତି। ସମ୍ପୃକ୍ତ ଛାତ୍ର ଜଣକ କହିଛନ୍ତି ନେତା ମନ୍ତ୍ରୀ ମାନେ ନିଜେ ସ୍ବଚ୍ଛା ଭାରତର ବାର୍ତ୍ତା ବାଣ୍ଟିବା ସହ ପଠ ପଢାଉଛନ୍ତି । କିନ୍ତୁ ନିଜେ ହିଁ ସ୍ବଚ୍ଛ ଭାରତର ଧଜିଆ ଉଡାଉଛନ୍ତି ବୋଲି କହିଛନ୍ତି । ନେତାମନ୍ତ୍ରୀ ପଡିଆ ଭିତରେ କାର୍ଯ୍ୟକ୍ରମ କରନ୍ତୁ, କିଛି ଅସୁବିଧା ନାହିଁ । ହେଲେ ପଡିଆକୁ ଅଳିଆ ଆବର୍ଜନା ନ କରିବାକୁ ଅନୁରୋଧ କରିଛନ୍ତି । ବର୍ତ୍ତମାନ ଏହି ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି ।
ସୂଚନାଥାଉକି ଗତ 29 ତାରିଖରେ କନ୍ଧମାଳ ଜିଲ୍ଲା ଦାରିଙ୍ଗବାଡି ସ୍ଥିତ ରାଶିପଦା ଖେଳ ପଡ଼ିଆରେ ବିଜେଡି ଦଳର ଏକ ମିଶ୍ରଣ ପର୍ବ ଅନୁଷ୍ଠିତ ହୋଇଥିଲା । ଦଳୀୟ କାର୍ଯ୍ୟକ୍ରମର ମୁଖ୍ୟ ଅତିଥିଭାବେ ଯୋଗ ଦେଇଥିଲେ ଆଇନ ଓ ପଞ୍ଚାୟତରାଜ ମନ୍ତ୍ରୀ ପ୍ରତାପ ଜେନା, ବ୍ରହ୍ମପୁର ବିଧାୟକ ବିକ୍ରମ ପଣ୍ଡା ଓ ଜି ଉଦୟଗିରି ବିଧାୟକ ସାଲୁଗା ପ୍ରଧାନ । ଶତାଧିକ ଦଳୀୟ କର୍ମୀଙ୍କୁ ନେଇ ବୈଠକ ହେବା ସହ ଭୋଜି ଭାତର ଆୟୋଜନ ହୋଇଥିଲା। ଆଉ ନେତାକର୍ମୀ ଭୋଜି ଖାଇବା ପରେ ଖେଳ ପଡିଆ ଭିତରେ ଏଣେ ତେଣେ ଖାଇବା ପ୍ଲେଟ ଆଉ ଅଳିଆ ପକାଇ ଚାଲି ଯାଇଥିଲେ ।
କନ୍ଧମାଳରୁ ସଞ୍ଜୟ ପାତ୍ର, ଇଟିଭି ଭାରତ
