ଫୁଲବାଣୀ: ରାଜ୍ୟରେ ଖସୁଛି ପାରଦ, ବଢୁଛି ଶୀତ । ସାରା ରାଜ୍ୟରେ ପ୍ରବଳ ଶୀତର ଲହରୀ ଅନୁଭୂତ ହେଉଥିବାବେଳେ କନ୍ଧମାଳ ଜିଲ୍ଲାରେ ମଧ୍ୟ ଏହାର ପ୍ରଭାବ ଦେଖିବାକୁ ମିଳିଛି । ଗତ 4 ରୁ 5 ଦିନ ଧରି କନ୍ଧମାଳ ଜାଡ ପ୍ରକୃତରେ ଆରମ୍ଭ ହୋଇଛି ବୋଲି ସ୍ଥାନୀୟ ଓ ପୁରୁଖା ଲୋକେ କହୁଛନ୍ତି । ଶୀତରୁ ରକ୍ଷା ପାଇବା ପାଇଁ ସ୍ଥାନେ ସ୍ଥାନେ ଲୋକେ ନିଆଁ ଜାଳି ବସୁଛନ୍ତି । ସ୍ଥାନୀୟ ଲୋକଙ୍କ ସହ ସିଧାସଳଖ କଥା ହୋଇଛନ୍ତି ଆମ ସମ୍ବାଦଦାତା ।
କନ୍ଧମାଳରେ ଶୀତର ଲହରୀ, ଜାଡରେ ଅସ୍ତବ୍ୟସ୍ତ ଲୋକେ
ଫୁଲବାଣୀର ତାପମାତ୍ରା 7.6 ଡିଗ୍ରୀ ସେଲସିୟସ ରେକର୍ଡ କରାଯାଇଥିବା ବେଳେ ଦାରିଙ୍ଗବାଡିର ତାପମାତ୍ରା 9 ଡିଗ୍ରୀ ସେଲସିୟସ ରହିଛି। ସେହିପରି ଜିଲ୍ଲାର ହାରାହାରି ତାପମାତ୍ରା 5 ଡିଗ୍ରୀ ରହିଥିବା ବେଳେ କେତେକ ଆଭ୍ୟନ୍ତରୀଣ ସ୍ଥାନରେ ହାଲକା ତୁଷାରପାତର ସୂଚନା ମିଳୁଛି । ଏପରି ପାଣିପାଗ କିଛିଦିନ ଲାଗି ରହିବ ବୋଲି ସ୍ଥାନୀୟ ବିଭାଗ ସୂଚନା ଦେଇଛି।
କନ୍ଧମାଳରୁ ସଦାଶିବ ପାତ୍ର, ଈଟିଭି ଭାରତ
