ଫୁଲବାଣୀ: କନ୍ଧମାଳ ଜିଲ୍ଲା ଖଜୁରିପଡା ଥାନା ଅନ୍ତର୍ଗତ କୁଟିବାରି ଠାରେ ସଡକ ଦୁର୍ଘଟଣା । ଏକ କାର ଦୁର୍ଘଟଣାରେ ଜଣଙ୍କ ମୃତ୍ୟୁ ହୋଇଥିବାବେଳେ ଅନ୍ୟ ଦୁଇ ଜଣ ଗୁରୁତର ଆହତ ହୋଇଛନ୍ତି। ଫୁଲବାଣୀରୁ ଖଜୁରିପଡାକୁ ଯାଉଥିବା ବେଳେ ଫୁଲବାଣୀ ନିକଟ କୁଟିବାରି ଠାରେ ଗଛରେ ପିଟି ହୋଇଥିଲା କାର । ଦୁର୍ଘଟଣାରେ ଫୁଲବାଣୀ ହାଟପଦାର ଅବଦୁଲ ରହିମଙ୍କର ମୃତ୍ୟୁ ହୋଇଛି।
କାର ଦୁର୍ଘଟଣାରେ ଜଣେ ମୃତ, 2 ଗୁରୁତର
ଅବଦୁଲ ଗାଡି ଚଳାଉଥିବା ବେଳେ ଗାଡିରେ ଥିବା ଅନ୍ୟ ଜଣେ ମହିଳା ମଞ୍ଜୁ ବେହେରା ଓ ଜଣେ 8 ବର୍ଷର ଶିଶୁ ଆହତ ହୋଇଛନ୍ତି। ସମସ୍ତଙ୍କୁ ପ୍ରଥମେ ଫୁଲବାଣୀ ଜିଲ୍ଳା ମେଡିକାଲରେ ଭର୍ତ୍ତି କରାଯାଇଥିବା ବେଳେ ଗୁରୁତର ଦୁଇ ଜଣଙ୍କୁ ବ୍ରହ୍ମପୁର ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି।
ମୃତ ଅବଦୁଲଙ୍କ ଶବ ବ୍ୟବଚ୍ଛେଦ ଫୁଲବାଣୀ ମେଡିକାଲରେ କରାଯିବା ନେଇ ସୂଚନା ରହିଛି। ଖଜୁରିପଡା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରିବା ସହ ମେଡିକାଲରେ ପହଞ୍ଚି ମଧ୍ୟ ତଦନ୍ତ କରିଛି।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
