ଫୁଲବାଣୀ: 3 କେଜି 300 ଗ୍ରାମ ଗଞ୍ଜେଇ ସହ ଏକ ଦେଶୀ ବନ୍ଧୁକ ଜବତ । ଏହାକୁ ଜବତ କରିଛି ଫିରିଙ୍ଗିଆ ପୋଲିସ । ତେବେ ଉକ୍ତ ବ୍ୟକ୍ତି ଜଣକ ଘଟଣା ସ୍ଥଳରୁ ଫେରାର ଥିବା ବେଳେ ଅଭିଯୁକ୍ତ ଯୁବକ ଫିରିଙ୍ଗିଆ ଥାନା କାଶିନିପଦର ପଞ୍ଚାୟତର ଗୋପିଙ୍ଗିଆ ଗ୍ରାମର ପ୍ରତାପ କହଁର ବୋଲି ଜଣାପଡିଛି ।
ସୂଚନା ଅନୁଯାୟୀ, ଫିରିଙ୍ଗିଆ ପୋଲିସ ଥାନା ଅଧିକାରୀ ଖବର ପାଇ କାଶିନିପଦର ପଞ୍ଚାୟତର ଗୋପିଙ୍ଗିଆ ଗ୍ରାମକୁ ଏକ ପୋଲିସ ଟିମ ଯାଇଥିଲା । ଠିକ ସେହି ସମୟରେ ରାସ୍ତା ପାଖରେ ଏକ ବସ୍ତା ଧରି ଠିଆ ହୋଇଥିବା ଉକ୍ତ ଗ୍ରାମର ପ୍ରତାପ କହଁର (୨୮) ପୋଲିସ ଗାଡି ଦେଖି ଜଙ୍ଗଲକୁ ଦୌଡି ପଳାଇଥିଲା । ତେବେ ବସ୍ତାଟି ଠିଆ ହୋଇଥିବା ସ୍ଥାନରେ ଛାଡି ଯାଇଥିବା ବେଳେ ପୋଲିସ ବସ୍ତାକୁ ଯାଞ୍ଚ କରି ବସ୍ତା ମଧ୍ୟରୁ ଏକ ଦେଶୀ ବନ୍ଧୁକ ସହ ୩ କେଜି ୩୦୦ଗ୍ରାମ ଗଞ୍ଜେଇ ଜବତ କରିଥିବା ସୂଚନା ମିଳିଛି । ତେବେ ଉକ୍ତ ଗଞ୍ଜେଇର ହାରାହାରି ମୂଲ୍ୟ ୨୧ ହଜାର ଟଙ୍କା ହେବ ବୋଲି ଅନୁମାନ କରାଯାଉଛି । ଏନେଇ ଫିରିଙ୍ଗିଆ ଥାନାରେ ଏକ ୧୮୫/୨୨ ମାମଲା ରୁଜୁ ହୋଇଥିବା ସୂଚନା ଦେଇଛନ୍ତି ଥାନା ଅଧିକାରୀ ତପନ ନାହାକ ।
ଇଟିଭି ଭାରତ, ଫୁଲବାଣୀ
