ଫୁଲବାଣୀ: ପାଣି ହାଣ୍ଡିରେ ପଡ଼ି ଶିଶୁକନ୍ୟାର ମୃତ୍ୟୁ । କନ୍ଧମାଳ ଜିଲ୍ଲା ସଦର ଥାନା ଅନ୍ତର୍ଗତ କାମ୍ବାଗୁଡ଼ା ଗ୍ରାମରେ ଏଭଳି ଏକ ଅଭାବନୀୟ ଘଟଣା ଘଟିଛି । ପାଣି ଭର୍ତ୍ତି ହାଣ୍ଡିରେ ପଡ଼ି ଜଣେ 18 ମାସ ଶିଶୁକନ୍ୟାର ମୃତ୍ୟୁ ଘଟିଛି ।
ସୂଚନା ଅନୁଯାୟୀ, ଗତକାଲି (ମଙ୍ଗଳବାର) ସନ୍ଧ୍ୟାରେ ସୁବାସ ଦିଗାଲଙ୍କ ଶିଶୁକନ୍ୟା ଘର ପାଖରେ ଖେଳୁଥିବାବେଳେ ଅସାବଧାନତା ବଶତଃ ପାଖରେ ଥିବା ପାଣି ହାଣ୍ଡିରେ ପଡ଼ି ଯାଇଥିଲା । ସେଠାରେ କେହି ନଥିବାବେଳେ ବହୁ ସମୟ ଧରି ଶିଶୁଟି ହାଣ୍ଡି ଭିତରେ ପଡ଼ିଥିଲା। କିଛି ସମୟ ପରେ ତାଙ୍କ ମା' ଦେଖିବା ପରେ ତାକୁ ଉଦ୍ଧାର କରି ପ୍ରଥମେ ଗୁମାଗଡ଼ ଡାକ୍ତରଖାନା ଓ ପରେ ଫୁଲବାଣୀ ସଦର ଡାକ୍ତରଖାନାକୁ ନିଆଯାଇଥିଲା। ଡାକ୍ତର ସେଠାରେ ମୃତ ଘୋଷଣା କରିଥିଲେ । ଶିଶୁଟିର ମୃତ୍ୟୁ ନେଇ ଅଞ୍ଚଳରେ ଶୋକର ଛାୟା ଖେଳିଯାଇଛି ।
ଇଟିଭି ଭାରତ, କନ୍ଧମାଳ
