କନ୍ଧମାଳ: ଜିଲ୍ଲାରେ ପୁଣି ବିଭିନ୍ନ ସ୍ଥାନରେ ଦେଖିବାକୁ ମିଳିଛି ମାଓ ପୋଷ୍ଟର। ସିଆରପିଏଫ କ୍ଯାମ୍ପ ଓ ଗଞ୍ଜେଇ ଚାଷ ବନ୍ଦ କରିବା ସହିତ ବିକାଶକୁ ତ୍ବରାନ୍ବିତ କରିବାକୁ ଦାବି କରିଛି ମାଓ ସଂଗଠନ। କେକେବିଏନ ମାଓ ଡିଭିଜନ ପୋଷ୍ଟର ମାରି ଚେତାବନୀ ଦେଇଛି ।
ଅପହଞ୍ଚ ଇଲାକାରେ କୁମ୍ବିଂ ଅପରେସନ ବନ୍ଦ କରି ମେଡିକାଲ କ୍ୟାମ୍ପ ପାଇଁ ଦାବି କରିବାକୁ ଅଞ୍ଚଳବାସୀଙ୍କୁ ଆହ୍ବାନ କରିଛନ୍ତି ମାଓବାଦୀ । ଏଥି ସହିତ CRPF କ୍ୟାମ୍ପ ବଦଳରେ କନ୍ଧମାଳରେ ଅଧ୍ୟାପକ ଓ ଶିକ୍ଷକ ପଦବୀ ପୂରଣ କରାଯାଉ ବୋଲି ଏହି ମାଓ ପୋଷ୍ଟରରେ ଉଲ୍ଲେଖ ରହିଛି ।
ଜିଲ୍ଲାର ଫିରିଙ୍ଗିଆ ଥାନା ଅନ୍ତର୍ଗତ ଜାଜେସପାଙ୍ଗା, ସାଡିଙ୍ଗିଆ ଅଞ୍ଚଳରେ ଲାଲ ବାହିନୀ ମାଓ ପୋଷ୍ଟର ଲଗାଇଥିବାବେଳେ ପୋଲିସ ଏହି ପୋଷ୍ଟର ଜବତ କରି ନାହିଁ । ପୋଷ୍ଟର ଦ୍ୱାରା ଲାଲବାହିନୀ ନିଜ ସ୍ଥିତି ଜାହିର କରିବା ସହିତ ଭୟ ସୃଷ୍ଟି କରିବାକୁ ଉଦ୍ଯମ କରୁଛି।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
