ଫୁଲବାଣୀ: ଏଏନଏମଙ୍କୁ ଅସଦାଚରଣ ମାମଲା । ଦୋଷୀ ଯୁବକଙ୍କୁ ତିନି ବର୍ଷ ଜେଲ ଦଣ୍ଡାଦେଶ ଦେଲେ କୋର୍ଟ । ଫୁଲବାଣୀ କୋଟଗଡ ଥାନା ଅନ୍ତର୍ଗତ ଶ୍ରୀରାମପୁର ଉପକେନ୍ଦ୍ରର କାର୍ଯ୍ୟରତ ଏଏନଏମଙ୍କୁ ଅସଦାଚରଣ ମାମଲାର ବିଚାର କରି କୋଟଗଡ ପ୍ରଥମ ଶ୍ରେଣୀ ବିଚାର ବିଭାଗୀୟ ମାଜିଷ୍ଟ୍ରେଟ ଅନୁରାଗ ଦେହୁରୀ ଦୋଷୀ ଲମ୍ବୁ ବଳିଆରସିଂଙ୍କୁ ତିନି ବର୍ଷ କାରାଦଣ୍ଡାଦେଶ ଦେଇଛନ୍ତି । ଏଥିସହ ଏକ ହଜାର ଟଙ୍କା ଜରିମାନା ମଧ୍ୟ କରିଛନ୍ତି । ଜରିମାନା ଅନାଦେୟ ଅଧିକ ଏକ ମାସ ଜେଲ ଭୋଗିବାକୁ ରାୟରେ ଉଲ୍ଲେଖ କରିଛନ୍ତି କୋର୍ଟ ।
ମିଳିଥିବା ସୂଚନା ଅନୁସାରେ ୨୦୨୦ ଅଗଷ୍ଟ 20 ତାରିଖ ଦିନ କୋଟଗଡ ଥାନା ଅନ୍ତର୍ଗତ ଶ୍ରୀରାମପୁର ଗ୍ରାମରେ କାଯ୍ୟରତ ମହିଳା ଏଏନଏମ କୁ ବଳିଆର ସିଂ ଅସଦାଚରଣ କରିଥିଲେ । ଏନେଇ ଏଏନଏମ କୋଟଗଡ ଥାନାରେ ଅଭିଯୋଗ କରିଥିଲେ । ପୋଲିସ ୫୨/୨୦ରେ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଥିଲା । ସରକାରୀ ଓକିଲ ସବିତା ସାମନ୍ତରାୟ ଓ ଅନିଲ କୁମାର ଲେଙ୍କା ଏହି ସୂଚନା ଦେଇଛନ୍ତି ।
ଇଟିଭି ଭାରତ, କନ୍ଧମାଳ
