ଫୁଲବାଣୀ: ଆରମ୍ଭ ହୋଇଗଲାଣି ନିର୍ବାଚନ ପ୍ରଚାର । କିଏ କେଉଁ ପ୍ରକାର ପ୍ରଚାରରେ ଲାଗିଛନ୍ତି । ଭୋଟରଙ୍କୁ ମନେଇବା ପାଇଁ ଭିନ୍ନ ଭିନ୍ନ କୌଶଳ ଆପଣାଉଛନ୍ତି ରାଜନୈତିକ ଦଳ । ଜଣେ ବାମନକୁ ନେଇ ନିର୍ବାଚନ ପ୍ରଚାରରେ ଲାଗିଛି ବିଜେଡି । ଭୋଟରଙ୍କୁ ଆକୃଷ୍ଟ କରିବା ପାଇଁ କମ ଉଚ୍ଚତା ବିଶିଷ୍ଟ ଘାସିରାମ ଖିଲଙ୍କ ହାତରେ ବିଜେଡି ଚିହ୍ନ ଓ ପୋଷ୍ଟର । ଶଙ୍ଖ ଚିହ୍ନ ଥିବା ପୋଷାକ ମଧ୍ୟ ପିନ୍ଧିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, କନ୍ଧମାଳ
ତେବେ ବିଜେଡି ପାଇଁ ପ୍ରଚାର କରି ସେ ବି ବହୁତ ଖୁସି । ଜିଲ୍ଲାବାସୀ ଆକୃଷ୍ଟ ହେବା ସହିତ ବିଜେଡି ଚିହ୍ନ (ଶଙ୍ଖ) ବିଷୟରେ ଜାଣିବେ ଆଉ ଭୋଟ ଦେବେ ବୋଲି କହିଛନ୍ତି ଘାସିରାମ । ଭଗବାନ ମଧ୍ୟ ବାମନ ରୂପ ନେଇଥିଲେ ଏବଂ ଏଥିପାଇଁ କିଛି ନିଆରା ଢଙ୍ଗରେ ମୁଁ ପ୍ରଚାର କରୁଛି ବୋଲି କହିଛନ୍ତି ପ୍ରଚାରକାରୀ । ତେବେ ସୁଦୂର ମାଲକାନଗିରିରୁ ଆସି ପ୍ରଚାରରେ ସାମିଲ ହୋଇଛି ବୋଲି ସେ କହିଛନ୍ତି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
