ଫୁଲବାଣୀ: କନ୍ଧମାଳ ଜିଲ୍ଲା ଫୁଲବାଣୀ ସାଲୁଙ୍କି ନଦୀରେ ବୁଡି ଜଣେ କଲେଜ ଛାତ୍ରୀଙ୍କର ମୃତ୍ୟୁ ହୋଇଛି । ଛାତ୍ରୀ ଜଣକ ନାରାୟଣୀ ମନ୍ଦିର ଘାଟରେ ଯାଇଥିବା ବେଳେ ଗଣ୍ଡରେ ବୁଡିଯାଇଥିଲେ। ଦମକଳ ବିଭାଗ ସାହାଯ୍ୟରେ ତାଙ୍କୁ ଉଦ୍ଧାର କରାଯାଇ ମେଡିକାଲରେ ଭର୍ତ୍ତି କରାଗଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ମୃତ ଛାତ୍ରୀ ଜଣକ ହେଲେ ଟିକାବାଲି ପଦାସାହିର ସୁନନ୍ଦା ନାଏକ ।
ସୂଚନା ଅନୁସାରେ ନଦୀରେ ବୁଡି ଯୁକ୍ତ ଦୁଇ ଛାତ୍ରୀ ମୃତ । ମୃତକ ସୁନନ୍ଦା ନାରାୟଣ ମନ୍ଦିର ଘାଟରେ ଯାଇଥିବା ବେଳେ ହଟାତ ସେ ଗଣ୍ଡରେ ବୁଡିଯାଇଥିଲେ । ସେ ପାଣିରେ ବୁଡୁଥିବା ଦେଖି ସ୍ଥାନୀୟ ଲୋକେ ଅଗ୍ନିଶମ ବିଭାଗକୁ ଖବର ଦେଇଥିଲେ । ଖବର ପାଇ ଅଗ୍ନିଶମ ବିଭାଗର ଦମକଳ ଗାଡି ଆସି ଘଟଣାସ୍ଥଳରେ ପହଞ୍ଚିଥିଲା ଏବଂ ତୁରନ୍ତ ଉକ୍ତ ଛାତ୍ରୀଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରାଇଥିଲା । କିନ୍ତୁ ମେଡିକାଲରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଘଟଣା ସମ୍ପର୍କରେ ପୋଲିସ ସୂଚନା ପାଇ ଘଟଣାସ୍ଥଳକୁ ଆସି ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
