ଫୁଲବାଣୀ: ଗଞ୍ଜେଇ ଚାଲାଣର ନୂଆ ତରିକା । ଆମ୍ବୁଲାନ୍ସରେ ରୋଗୀ ନୁହେଁ ବୁହାହେଉଛି ଗଞ୍ଜେଇ । ଏଭଳି ଦୃଶ୍ୟ ଦେଖିବାକୁ ମିଳିଛି ଜିଲ୍ଲାର ଫିରିଙ୍ଗିଆ ଅଞ୍ଚଳରେ।
ରୋଗୀ ଛାଡି ଗଞ୍ଜେଇ ବୋହୁଛି ଆମ୍ବୁଲାନ୍ସ
ଏକ ଆମ୍ବୁଲାନ୍ସରେ କନ୍ଧମାଳରୁ ରାଜଧାନୀ ଭୁବନେଶ୍ବରକୁ ଗଞ୍ଜେଇ ଚାଲାଣ ହେଉଥିବା ବେଳେ ଧରିଛି ଫିରିଙ୍ଗିଆ ପୋଲିସ । ଏଥିସହ ଜଣଙ୍କୁ ମଧ୍ୟ ଗିରଫ କରାଯାଇଛି । ଗିରଫ ବ୍ୟକ୍ତି ହେଲେ ଆମ୍ବୁଲାନ୍ସର ମାଲିକ ଅଜୟ କୁମାର ପ୍ରଧାନ । ତାଙ୍କ ଘର ଖୋର୍ଦ୍ଧାର ଜଙ୍କିଆ ଅଞ୍ଚଳରେ । ଗିରଫ ପରେ କୋର୍ଟରେ ଜାମିନ ନାମଞ୍ଜୁର ହେବାରୁ ତାକୁ ବିଚାର ବିଭାଗୀୟ ହାଜତକୁ ପଠାଯାଇଛି ।
ସୂଚନା ଅନୁସାରେ, ଅଜୟ ଏକ ଆମ୍ବୁଲାନ୍ସରେ ଗଞ୍ଜେଇ ଭର୍ତ୍ତି କରି ଅତି ଚତୁରତାର ସହିତ ଗଞ୍ଜେଇ ଚାଲାଣ କରୁଥିଲା । ଖବର ପାଇ ଫିରିଙ୍ଗିଆ ପୋଲିସ ଭୃଙ୍ଗିଯୋଡି ନିକଟ କୁଡୁରା ଗାଁରେ ଆମ୍ବୁଲାନ୍ସଟିକୁ ଜବତ କରିଥିଲା । ଜବତ ଗଞ୍ଜେଇର ମୂଲ୍ୟ 3 ଲକ୍ଷ ଟଙ୍କା ହେବ ବୋଲି ଜଣାପଡିଛି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
