ଫୁଲବାଣୀ: ଗାଁ ବୈଠକରୁ ଗୋଷ୍ଠୀ ସଂଘର୍ଷ । କନ୍ଧମାଳ ଜିଲ୍ଲା ଖଜୁରୀପଡ଼ା ଥାନା ଅନ୍ତର୍ଗତ ଦୁତିପଡା ଗ୍ରାମପଞ୍ଚାୟତର ମାଲଗୁଣ୍ଡ୍ରି ଗ୍ରାମରେ ଗୋଷ୍ଠୀ ସଙ୍ଘର୍ଷ । ପରସ୍ପର ମଧ୍ୟରେ ମରଣାନ୍ତକ ଆକ୍ରମଣରେ ଦୁଇ ଗୋଷ୍ଠୀରୁ ଅନେକ ଆହତ ହୋଇଥିବାବେଳେ ୬ ଜଣଙ୍କୁ ପ୍ରଥମେ ଖଜୁରୀପଡ଼ା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଓ ପରେ ଫୁଲବାଣୀ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।
ସୂଚନା ଅନୁସାରେ ମାଲଗୁଣ୍ଡ୍ରି ଗ୍ରାମରେ ଏକ ପାରିବାରିକ ମାମଲାରେ ବୈଠକ ଚାଲିଥିବା ବେଳେ ଉଭୟ ପକ୍ଷଙ୍କ ମଧ୍ୟରେ ସାଧାରଣ ବଚସାରୁ ପରସ୍ପରକୁ ଆକ୍ରମଣ ଆରମ୍ଭ ହୋଇଥିଲା । ଏଥିରେ ଗ୍ରାମର ଭୀଷ୍ମ ସେଠୀ, ସୁଦାମ ସେଠୀ, ସୁନିଲ ସେଠୀ, ଅଶ୍ବିନୀ ସେଠୀ, ଗୁଞ୍ଜଲ ସେଠୀ ଓ ସନ୍ତୋଷ ସେଠୀ ଆହତ ହୋଇଥିବା ବେଳେ ଭୀଷ୍ମଙ୍କ ଅବସ୍ଥା ଗୁରୁତର ଥିବା ଜଣାପଡ଼ିଛି । ଆହତ ମାନଙ୍କୁ ଆମ୍ବୁଲାନ୍ସ ଯୋଗେ ତୁରନ୍ତ ଫୁଲବାଣୀ ମେଡିକାଲ ସ୍ଥାନାନ୍ତର କରାଯାଇଛି । ସୂଚନା ପାଇ ଖଜୁରୀପଡ଼ା ଥାନା ପୋଲିସ ତଦନ୍ତ ଆରମ୍ଭ କରିବା ସହ ଥାନା ଅଧିକାରୀ ଗେଲ୍ଲୀ କୁମାରୀ ସାହୁ ଗ୍ରାମରେ ଶାନ୍ତିଶୃଙ୍ଖଳା ରକ୍ଷା ଦିଗରେ ଗ୍ରାମବାସୀଙ୍କ ସହ ଆଲୋଚନା କରିଛନ୍ତି ।
ଇଟିଭି ଭାରତ, କନ୍ଧମାଳ
