5 ଜୁଆଡି ଗିରଫ, 25 ହଜାର ଟଙ୍କା ଜବତ

ଫୁଲବାଣୀ ଆଦର୍ଶ ଟାଉନ ଥାନା ପୋଲିସ ଡାକପଲାରେ ଚାଲିଥିବା ଏକ ଜୁଆ ଆଡ୍ଡାରେ ଚଢାଉ କରି 5 ଜଣଙ୍କୁ ଗିରଫ କରିଛି ।

ଫୁଲବାଣୀ: କନ୍ଧମାଳ ଜିଲ୍ଲା ଫୁଲବାଣୀ ଆଦର୍ଶ ଟାଉନ ଥାନା ପୋଲିସ ଡାକପଲାରେ ଚାଲିଥିବା ଏକ ଜୁଆ ଆଡ୍ଡାରେ ଚଢାଉ କରି 5 ଜଣଙ୍କୁ ଗିରଫ କରିଛି । ଜୁଆ ଆଡ୍ଡାରୁ 25 ହଜାର ଟଙ୍କା ସହିତ ଗୋଟିଏ ମୋଟର ସାଇକେଲ ମଧ୍ୟ ଜବତ କରାଯାଇଥିବା ସୂଚନା ଦେଇଛି ପୋଲିସ ।

ଗିରଫ ମାନେ ହେଲେ ପବିତ୍ର ପ୍ରଧାନ, ମନୋଜ ପ୍ରଧାନ, ମଧୂସୁଧନ ବେହେରା, ପଞ୍ଚାନନ ବେହେରା ଓ ବିଶ୍ବନାଥ ନାୟକ । ତେବେ 143/2019 ରେ ମାମଲା ରୁଜୁ କରାଯାଇ ସେମାନଙ୍କୁ କୋର୍ଟ ଚାଲାଣ କରାଯାଇଛି । ତେବେ ଏପରି ଚଢାଉ ଜାରି ରହିବ ବୋଲି ସୂଚନା ଦେଇଛନ୍ତି ଥାନା ଅଧିକାରୀ ।

କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ