ବନ୍ଧାହେଲେ 2 ଚାଲାଣକାରୀ, 35 କିଲୋ ଗଞ୍ଜେଇ ଜବତ

ପୋଲିସର ଚଢାଉ ବେଳେ ଗିରଫ ହେଲେ 2 ଗଞ୍ଜେଇ ଚାଲାଣକାରୀ । ଅଭିଯୁକ୍ତଙ୍କ ଠାରୁ ଜବତ ହୋଇଛି 35 କିଲୋଗ୍ରାମର ଗଞ୍ଜେଇ ।

ଫୁଲବାଣୀ: ଜିଲ୍ଲା ଫିରିଙ୍ଗିଆ ଥାନା ଅନ୍ତର୍ଗତ ମାଝିପଡାରେ ପୋଲିସର ଚଢାଉ । 2 ଗଞ୍ଜେଇ ଚାଲାଣକାରୀଙ୍କୁ ଗିରଫ କରିବା ସହ 35 କିଲୋ ଗଞ୍ଜେଇ ଜବତ କରିଛି ପୋଲିସ । ଯାହାର ଆନୁମାନିକ ମୂଲ୍ୟ ଦେଢ ଲକ୍ଷ ଟଙ୍କା ବୋଲି ଜଣାପଡିଛି ।

କଟକ ଜିଲ୍ଲା ଆଠଗଡର ଚିତରଞ୍ଜନ ମହାରଣା ଓ ତିଗିରଆର ସୁଶାନ୍ତ ନାୟକଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ତେବେ କୋର୍ଟରେ ଜାମିନ ନାମଞ୍ଜୁର ହେବା ପରେ ଜେଲକୁ ଯାଇଛନ୍ତି 2 ଅଭିଯୁକ୍ତ।

କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ