ଭବାନୀପାଟଣା: ଗୋଲମୁଣ୍ଡା ଥାନା ଅନ୍ତର୍ଗତ ଗଏନ୍ଦିମୁଣ୍ଡା ଗାଁରେ ଘଟିଛି ଏକ ଅଭାବନୀୟ ଘଟଣା । ଗାଁର କିଛି ଲୋକ ଜଣେ ଯୁବକଙ୍କୁ ନିର୍ମମ ଭାବରେ ହତ୍ୟା କରିଥିବା ଘଟଣା ସାମ୍ନାକୁ ଆସିଛି ।
ପ୍ରେମ ସମ୍ପର୍କ ନେଇ ଯୁବକଙ୍କୁ ହତ୍ୟା
ସୂଚନାଅନୁସାରେ ଖଲିଆକାନୀ ଗାଁର ଦୀଲିପ ମେହେର ନାମକ ଜଣେ ଯୁବକ ସୋମବାର ନିଜ ସାଙ୍ଗ ସହ ଗଏନ୍ଦିମୁଣ୍ଡା ଗାଁକୁ ଯାଇଥିଲେ । ହଠାତ୍ ସେଠି ତାଙ୍କୁ କିଛି ଲୋକ ଘେରି ଯାଇଥିଲେ । ଯୁବକ ଓ ଲୋକଙ୍କ ଭିତରେ ଉତ୍ତେଜନା ହୋଇଥିବାର ଦେଖିବାକୁ ମିଳିଥିଲା । ସେହି ସମୟରେ ଦିଲୀପଙ୍କ ସାଙ୍ଗ ସେଠାରୁ ଖସି ପଳେଇ ଯାଇ ଦିଲୀପଙ୍କ ପରିବାରକୁ ସୂଚନା ଦେଇଥିଲେ ।
ଏହା ପରେ ପରିବାର ଲୋକ ଦିଲୀପଙ୍କୁ ବହୁତ ଖୋଜାଖୋଜି କରିବାବେଳେ ଗାଁ ମୁଣ୍ଡରେ ରକ୍ତ ଜୁଡୁବୁଡୁ ଅବସ୍ଥାରେ ମୃତଦେହ ଉଦ୍ଧାର କରିଥିଲେ । ଏ ନେଇ ଗୋଲମୁଣ୍ଡା ଥାନାରେ ପ୍ରେମ ସମ୍ପର୍କକ ନେଇ ଦିଲୀପଙ୍କୁ ହତ୍ୟା କରଯାଇଥିବା ପରିବାର ଲୋକ ଅଭିଯୋଗ କରିଛନ୍ତି । ପୋଲିସ ଘଟଣାସ୍ଥଳରେ ପହଞ୍ଚି ଛାନଭିନ ଆରମ୍ଭ କରିଛି ।
କଳାହାଣ୍ଡିରୁ ଅଜିତ୍ କୁମାର ସିଂହ, ଇଟିଭି ଭାରତ
