ଭବାନୀପାଟଣା: ମହଙ୍ଗା ପଡିଲା ଆୟ ଆୟବହିର୍ତୂ ସମ୍ପତି ଠୁଳ । ଭିଜିଲାନ୍ସ ସ୍କାନରକୁ ଆସିବା ପରେ ଗିରଫ ହୋଇ ଜେଲ ଗଲେ କଳାହାଣ୍ଡି ଜିଲ୍ଲା ଭବାନୀପାଟଣା ପୌରପାଳିକାର ଉପନିର୍ବାହୀ ଯନ୍ତ୍ରୀ ସମୀର ଠାକୁର । ବୁଧବାର ଏକକାଳୀନ ୪ଟି ସ୍ଥାନରେ ରେଡ କରିଥିଲା ଭିଜିଲାନ୍ସ ।
ସୂଚନାଅନୁସାରେ, ଶୁକ୍ରବାର ଭିଜିଲାନ୍ସ ରେଡ ସମୟରେ ନଗଦ ୪୯ ହଜାର ୧୬୩ ଟଙ୍କା, ବ୍ୟାଙ୍କ, ପୋଷ୍ଟାଲ ଓ ଇନସୁରାନ୍ସ ଜମା ୫୨.୫୬ଲକ୍ଷ, ଗୋଟିଏ କାର, ୨୫୦ ଗ୍ରାମ ସୁନା, ରୁପା ୯୩୦ ଗ୍ରାମ ଜବତ ହୋଇଥିଲା । ସେହିପରି ମହାବୀର ପଡ଼ାରେ ୭୦୩୩ ବର୍ଗଫୁଟର ନିର୍ମିତ କୋଠା ଯାହାର ଦାମ ପ୍ରାୟ୧ କୋଟି, ଇରୀଗେସନ କଲୋନୀରେ ୨୫୦୦ ବର୍ଗଫୁଟର ୨ ମହଲା କୋଠା ଯାହାର ଦାମ ପ୍ରାୟ ୬୦ ଲକ୍ଷ ଓ ଭବାନୀପାଟଣା ସହର ଆଖପାଖରେ ୩ ଟି ପ୍ଲଟ ରହିଥିବା ଜଣାପଡିଥିଲା ।
୨୦୦ ପ୍ରତିଶତରୁ ଅଧିକ ଆୟ ବହିର୍ଭୂତ ସମ୍ପତି ଠୁଳ କରିଥିବା ଓ ଏହାର ପରିମାଣ ୨ କୋଟି ୩ ଲକ୍ଷ ୭୩ ହଜାର ୯୪୪ ଟଙ୍କା ବୋଲି ବିଭାଗ ପକ୍ଷରୁ ଜଣାପଡିଛି । ଦୀର୍ଘ ୧୭ ଘଣ୍ଟା ଧରି ଚଢ଼ାଉ କରିବା ପରେ ସକାଳୁ ସକାଳୁ ଉପ ନିର୍ବାହୀ ଯନ୍ତ୍ରୀ ସମୀର ଠାକୁରଙ୍କୁ ଗିରଫ କରାଯାଇଥିବା ସୂଚନା ରହିଛି । ଭିଜିଲାନ୍ସ କାର୍ଯ୍ୟାଳୟ ରେ ରଖି ଅଧିକ ପଚରାଉଚରା ପରେ ଭବାନୀପାଟଣା ଭବାନୀପାଟଣା ଭିଜିଲାନ୍ସ ସ୍ୱତନ୍ତ୍ର କୋର୍ଟରେ ହଜାର କରିଥିଲା ଭିଜିଲାନ୍ସ ବିଭାଗ । ହେଲେ ଯନ୍ତ୍ରୀ ସମୀର ଠାକୁରଙ୍କ ଜାମିନ ନାମଞ୍ଜୁର ହେବାରୁ ଭବାନୀପାଟଣା ଜେଲକୁ ପଠା ଯାଇଥିବା ନେଇ ଭିଜିଲାନ୍ସ ବିଭାଗ ପକ୍ଷରୁ ପ୍ରେସ ବିଜ୍ଞପ୍ତି ଜରିଆରେ ସୂଚନା ଦିଆଯାଇଛି ।
ଇଟିଭି ଭାରତ, କଳାହାଣ୍ଡି
