ଭବାନୀପାଟଣା: ଲକଡାଉନ ସମୟରେ ସକ୍ରିୟ ଚୋରା ମଦ ବେପାରୀ । କଳାହାଣ୍ଡି ଜିଲ୍ଲାବାସୀ ଲକଡାଉନକୁ ସମର୍ଥନ କରୁଥିବାବେଳେ ଏହାର ସୁଯୋଗ ନେଇ ସକ୍ରିୟ ହୋଇ ଉଠିଛନ୍ତି ଚୋରା ମଦ ବେପାରୀ । ଏନେଇ କଳାହାଣ୍ଡି ଏସପି ସୂଚନା ପାଇବା ପରେ ଏସପିଙ୍କ ନିର୍ଦ୍ଦେଶକ୍ରମେ ଟାଉନ ପୋଲିସ ସହରର ହିନ୍ଦପ୍ଲାଜା ହୋଟେଲ ଉପରେ ଚଢ଼ାଉ କରି ବିପୁଳ ପରିମାଣର ବିଦେଶୀ ମଦ ଜବତ କରିଛି ।
ଏହାବ୍ୟତୀତ ସଦର ଥାନା ପୋଲିସ ଭୈରବପୁର ଗାଁରେ ମଧ୍ୟ ଚଢ଼ାଉ କରି ଦେଶୀ ମଦ, ଜୁନାଗଡ଼ ପୋଲିସ ବଳଦିଆମାଲ ଗାଁରେ ଚଢ଼ାଉ କରି ଅଭିନବ ଉପାୟରେ ଇଟାଭାଟିର ରୂପଦେଇ ଭିତରେ ଲୁଚେଇ ରଖିଥିବା ବିପୁଳ ପରିମାଣର ଦେଶୀ ଓ ବିଦେଶୀ ମଦ ଜବତ କରିଛି ।
3 ମଦ ବେପାରୀ ଗିରଫ
ଏ ସଂକ୍ରାନ୍ତରେ ସଂମ୍ପୃକ୍ତ ଥାନାରେ ମାମଲା ରୁଜୁ କରି ହିନ୍ଦପ୍ଲାଜା ହୋଟେଲ ମାଲିକ ସମେତ ୩ ଜଣ ଅଭିଯୁକ୍ତ, ସଦର ଥାନା ପୋଲିସ ଅଭିଯୁକ୍ତ କାଶୀ କରୁଆଁ ଓ ନରେନ୍ଦ୍ର ନାଗ ଓ ଜୁନାଗଡ଼ ପୋଲିସ ଅଭିଯୁକ୍ତ ଦିବ୍ୟ ନାଗଙ୍କୁ ଗିରଫ କରି କୋର୍ଟ ଚାଲାଣ କରିଛି ।
କଳାହାଣ୍ଡିରୁ ଅଜିତ କୁମାର ସିଂହ, ଇଟିଭି ଭାରତ
