ଭବାନୀପାଟଣା: କୋଭିଡ ଗାଇଡଲାଇନ ଉଲଙ୍ଘନ କରିବାରୁ ଭବାନୀପାଟଣା ପୂଜା କ୍ଲଥ ଷ୍ଟୋରକୁ ସିଲ କଲା ପ୍ରଶାସନ । 5000 ଟଙ୍କା ଫାଇନ ସହ ଦୋକାନ ସିଲ କଲା ପୋଲିସ ।
ଗୁରୁବାର ସାବିତ୍ରୀ ବ୍ରତ ଥିବାରୁ ପଛ ପଟୁ ଦୋକାନ ଖୋଲା କରି ଗ୍ରାହକଙ୍କୁ ସାମଗ୍ରୀ ବିକୁଥିଲେ ଦୋକାନୀ । କୋରୋନା ସଂକ୍ରମଣ ରୋକିବାକୁ ସରକାର 17 ତାରିଖ ପର୍ଯ୍ୟନ୍ତ ଲକଡାଉନକୁ ବୃଦ୍ଧି କରିଥିବା ବେଳେ ଲୋକଙ୍କୁ ଘରେ ରହିବା ପାଇଁ ପ୍ରଶାସନ ନିବେଦନ କରିବା ସହ ଅତି ଜରୁରୀକାଳୀନ ଦୋକାନକୁ ଖୋଲା ରଖିବା ପାଇଁ କୁହାଯାଇଛି ।
ହେଲେ ଭବାନୀପାଟଣା ସହରରେ ଅନେକ ଦୋକାନ କୋରୋନା ଗାଇଡଲାଇନ ଉଲଙ୍ଘନ କରି ଦୋକାନ ଖୋଲୁଛନ୍ତି । ସାବିତ୍ରୀ ବ୍ରତ ପାଇଁ ଗୁରୁବାର ସକାଳୁ ସକାଳୁ ଭବାନୀପାଟଣା ପୁଜା କ୍ଲଥ ଷ୍ଟୋର ଖୋଲି ପଛ ପଟ ଗେଟରୁ ଲୋକଙ୍କୁ ସାମଗ୍ରୀ ଦେଇଥିଲା । ପ୍ରଶାସନ ଖବର ପାଇ ପହଞ୍ଚି 5000 ଟଙ୍କା ଫାଇନ ସହ ଦୋକାନକୁ ସିଲ କରିଥିଲେ ।
କଳାହାଣ୍ଡିରୁ ଅଜିତ୍ ସିଂ, ଇଟିଭି ଭାରତ
