ଭବାନୀପାଟଣା: ଓବିସି ଛାତ୍ରଛାତ୍ରୀଙ୍କୁ ୨୭% ସ୍ଥାନ ସଂରକ୍ଷଣ ଦାବିରେ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ଦାବିପତ୍ର ପ୍ରଦାନ କରିଲା ଓବିସି, ଏସ୍ଟି, ଏସ୍ସି ମିଳିତ ମହାମଞ୍ଚ । ଏନେଇ ଆଜି(ଶୁକ୍ରବାର) ଧର୍ମଗଡ଼ ଉପଜିଲ୍ଲାପାଳଙ୍କୁ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ଦାବିପତ୍ର ପ୍ରଦାନ କରାଯାଇଛି । ଚଳିତ ବର୍ଷ ମାଟ୍ରିକ ପରୀକ୍ଷାରେ ୯୫%ରୁ ଅଧିକ ଛାତ୍ରଛାତ୍ରୀ ପାସ୍ କରିଛନ୍ତି । ହେଲେ ସେହି ଅନୁସାରେ କଲେଜ ମାନଙ୍କରେ ସିଟ୍ ନାହିଁ । ଏଥିସହ କଟ୍ଅଫ୍ ମାର୍କ ମଧ୍ୟ ଅଧିକ ଯିବ ।
ଓବିସି ଛାତ୍ରଛାତ୍ରୀଙ୍କ ପାଇଁ ସଂରକ୍ଷଣ ଦାବି ନେଇ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଦାବିପତ୍ର
ନାମ ଲେଖାରେ OBC ବର୍ଗ ପାଇଁ ସଂରକ୍ଷଣ ବ୍ୟବସ୍ଥା ନଥିବାରୁ କଲେଜମାନଙ୍କରେ ସ୍ଥାନ ପାଇବାରୁ ଏହି ବର୍ଗର ବହୁତ ଛାତ୍ରଛାତ୍ରୀ ବଞ୍ଚିତ ହେବେ । ଏଣୁ ତୁରନ୍ତ ପଦକ୍ଷେପ ନେବାକୁ ଦାବି କରାଯାଇଛି । ଯଥାଶୀଘ୍ର ଏହି ଦାବି ପୂରଣ ନହେଲେ ଆଗାମୀ ଦିନରେ ଜନସାଧାରଣ, ଅଭିଭାବକ ଓ ଛାତ୍ରଛାତ୍ରୀ ଆନ୍ଦୋଳନକୁ ଓହ୍ଲାଇବେ ବୋଲି ମିଳିତ ମହାମଞ୍ଚ ପକ୍ଷରୁ ଚେତାବନୀ ଦିଆଯାଇଛି ।
ଇଟିଭି ଭାରତ, କଳାହାଣ୍ଡି
