କଳାହାଣ୍ଡି: ମଦନପୁର ରାମପୁର ଥାନା ଲୁବେନଗଡ଼ ଅଞ୍ଚଳର ସମାଜସେବୀ ସୀମାରା ନାଏକଙ୍କୁ ମାଓବାଦୀ ଘଟଣାରେ ଗିରଫ କରାଯାଇଛି । ହେଲେ ତାଙ୍କୁ ମିଥ୍ୟାଷଡଯନ୍ତ୍ର କରି ମାଓବାଦୀଙ୍କ ସହ ସମ୍ପୃକ୍ତି ଥିବା ଦର୍ଶାଇ ପୋଲିସ ଗିରଫ କରି କୋର୍ଟ ଚାଲାଣ କରିଥିବା ଅଭିଯୋଗ ହୋଇଛି ।
ଏହାର ପ୍ରତିବାଦରେ ଆଜି ଅଞ୍ଚଳବାସୀ ଏକ ପ୍ରତିବାଦ ସଭା କରିଥିଲେ । ଏହି ପ୍ରତିବାଦ ସଭାରେ ସ୍ଥାନୀୟ ଲୁବେନଗଡ଼ ଦେଡ଼ସୁଲି ଏବଂ ଉର୍ଲ୍ଲାଦାନୀ ଅଞ୍ଚଳର ଶତାଧିକ ପୁରୁଷ, ମହିଳା ସହ ଆବାଳ ବୃଦ୍ଧବନିତା ଯୋଗ ଦେଇଥିଲେ।
ଭିଡିଓ ସୌଜନ୍ୟ : ସମ୍ବାଦଦାତା,କଳାହାଣ୍ଡି
ସୀମାରାଙ୍କୁ ନିର୍ଦ୍ଦୋଷରେ ଖଲାସ କରିବା ସହ ଆଦିବାସୀଙ୍କ ଉପରେ ପୋଲିସ ଜୁଲମ ବନ୍ଦ କରିବା ପାଇଁ ସଭାରେ ଦାବି ଉପସ୍ଥାପନ ହୋଇଥିଲା।
କଳାହାଣ୍ଡିରୁ ଅଜିତ ସିଂ,ଇଟିଭି ଭାରତ
