ଭବାନୀପାଟଣା : ଅର୍ଣ୍ଣବ ଗୋସ୍ବାମୀଙ୍କ ଗିରଫ ପ୍ରତିବାଦରେ ବିକ୍ଷୋଭ । କଳାହାଣ୍ଡି ଜିଲ୍ଲା ଧର୍ମଗଡ଼ରେ ହିନ୍ଦୁତ୍ବ ସଂଗଠନ ମହାରାଷ୍ଟ୍ର ପୋଲିସର ଏଭଳି କାର୍ଯ୍ୟକୁ ଜୋରଦାର ବିରୋଧ କରାଯାଇଛି ।
ଅର୍ଣ୍ଣବ ଗୋସ୍ବାମୀଙ୍କ ଗିରଫ ପ୍ରତିବାଦରେ ବିକ୍ଷୋଭ
୨୦୧୮ ର ଏକ ମାମଲାକୁ କେନ୍ଦ୍ର କରି ବୁଧବାର ବରିଷ୍ଠ ସାମ୍ବାଦିକ ଅର୍ଣ୍ଣବ ଗୋସ୍ବାମୀଙ୍କୁ ମହାରାଷ୍ଟ୍ର ପୋଲିସ ଘରୁ ବଳ ପୂର୍ବକ ଭାବରେ ଯେଭଳି ଟେକି ନେଇଥିଲେ । ତାହାର ପ୍ରତିବାଦ କରି କଳାହାଣ୍ଡି ଜିଲ୍ଲା ଧର୍ମଗଡ଼ରେ ହିନ୍ଦୁତ୍ବ ସଂଗଠନ ଦ୍ବାରା ଆମ୍ବେଦକର ପ୍ରତିମୂର୍ତ୍ତି ସମ୍ମୁଖରେ ଅର୍ଣ୍ଣବ ଗୋସ୍ବାମୀଙ୍କ ଗିରଫକୁ ବିରୋଧ କରି ପ୍ରତିବାଦ କରାଯାଇଛି । ଏହି ପ୍ରତିବାଦ ସଭାରେ ବ୍ରହ୍ମଚାରୀ ଅଚ୍ୟୁତ,ଜନ୍ମେଜୟ ନାୟକ,ଡମ୍ବରୁଧର ଠାକୁର,ବିଶ୍ବ ରଞ୍ଜନ ପାତ୍ର,ବ୍ରଜେଶ କୁମାର ପଣ୍ଡା,ରମେଶ ଖମାରୀ,ମନୀନ୍ଦ୍ର ପାତ୍ର,ସୋହନ ପାତ୍ର,ଚନ୍ଦନ ପାତ୍ର ପ୍ରମୁଖ ଯୋଗ ଦେଇଥିଲେ ।
କଳାହାଣ୍ଡିରୁ ଅଜିତ ସିଂ,ଇଟିଭି ଭାରତ
