ଭବାନୀପାଟଣା: କେସିଙ୍ଗା ଅଣ୍ଡର ବ୍ରିଜରେ କଖାରୁ ବୋଝେଇ ଟ୍ରକରୁ ବିପୁଳ ପରିମାଣର ଗଞ୍ଜେଇ ଜବତ କରିଛି ପୋଲିସ । ଚୋରା ଗଞ୍ଜେଇ ଚାଲାଣ ହେଉଥିବା ନେଇ ସୂଚନା ପାଇ ସ୍ଥାନୀୟ ପୋଲିସ ଚଢ଼ାଉ କରି ୨୮୧ ପ୍ୟାକେଟ ଗଞ୍ଜେଇ ଜବତ କରିଛି । ଯାହାର ପରିମାଣ ପ୍ରାୟ ୫ କୁଇଣ୍ଟାଲ ହେବ ବୋଲି ପ୍ରାଥମିକ ଭାବେ ଜଣାପଡିଛି । ଏହି ଘଟଣାରେ ପୋଲିସ ୨ ଜଣ ଅଭିଯୁକ୍ତଙ୍କୁ ଅଟକ ରଖି ପଚରାଉଚରା କରୁଛି ।
ଚାଲାଣବେଳେ ପୋଲିସ ଚଢାଉ: ୨୮୧ ପକେଟ ଗଞ୍ଜେଇ ଜବତ ସହ 2 ଅଟକ
ମିଳିଥିବା ସୂଚନା ଅନୁସାରେ, UP 12T 5829 ନମ୍ବର ବିଶିଷ୍ଟ ଏକ ଗଞ୍ଜେଇ ବୋଝେଇ ଟ୍ରକ ରାୟଗଡା ଜିଲ୍ଲା ପଦ୍ମପୁରରୁ ଉତ୍ତର ପ୍ରଦେଶ ଗାଜିଆବାଦ ଯାଉଥିଲା। ଏହି ସମୟରେ ପୂର୍ବ ସୂଚନା ଅନୁସାରେ ଚଢ଼ାଉ କରିଥିଲା କେସିଙ୍ଗା ପୋଲିସ ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
