ଭବାନୀପାଟଣା: ତୈଳ ଦରରେ ଅହେତୁକ ବୃଦ୍ଧି ନେଇ କଂଗ୍ରେସ ସୋମବାର ଓଡିଶା ବନ୍ଦ କରିଥିଲା । ସେହିପରି ଦର ବୃଦ୍ଧି ଓ ଦିଲ୍ଲୀରେ ଚାଲିଥିବା କୃଷକ ଆନ୍ଦୋଳନ ଉପରେ ସରକାରୀ ଦମନ ପ୍ରତିବାଦରେ ଏବଂ ରାଜ୍ୟରେ ମଣ୍ଡି ସମସ୍ୟା ନେଇ କଳାହାଣ୍ଡିରେ କଂଗ୍ରେସ ପକ୍ଷରୁ କିଷାନ ସତ୍ୟାଗ୍ରହ ଆରମ୍ଭ ହୋଇଛି । ଏହି ପରିପ୍ରେକ୍ଷୀରେ ଜିଲ୍ଲାରେ କଂଗ୍ରେସ ପକ୍ଷରୁ ପଦଯାତ୍ରା ଅନୁଷ୍ଠିତ ହୋଇଛି। ଏଥିରେ ବରିଷ୍ଠ କଂଗ୍ରେସ ନେତା ଭକ୍ତ ଚରଣ ଦାସଙ୍କ ସମେତ ଅନେକ ଦଳୀୟ କର୍ମୀ ଓ ଚାଷୀମାନେ ସାମିଲ ହୋଇଛନ୍ତି ।
ବିଭିନ୍ନ ସମସ୍ୟା ନେଇ କଳାହାଣ୍ଡିରେ କଂଗ୍ରେସର ପଦଯାତ୍ରା
ଜୁନାଗଡ ବ୍ଲକ କୁଲିହାରି ଗାଁରୁ ଏହି ପଦଯାତ୍ରା ବାହାରି ବଳଦିଆମାଲରେ ପହଞ୍ଚିଛି । ପରେ ସେଠାରେ ଏକ ସାଧାରଣ ସଭା ଅନୁଷ୍ଠିତ ହୋଇଛି । ତେବେ ଆଗକୁ ମଧ୍ୟ ବିଭିନ୍ନ ବ୍ଲକରେ ଏହି ପଦଯାତ୍ରା ଜାରି ରହିବ ବୋଲି କଂଗ୍ରେସ ନେତା ଭକ୍ତ ଚରଣ ଜଣାଇଛନ୍ତି ।
କଳାହାଣ୍ଡିରୁ ଅଜିତ କୁମାର ସିଂହ, ଇଟିଭି ଭାରତ
