କଳାହାଣ୍ଡି: ଅଜଣା ଗାଡି ଧକ୍କାରେ ଜଣଙ୍କର ମୃତ୍ୟୁ ହୋଇଛି । ଶନିବାର ସନ୍ଧ୍ୟା 7ଟାରେ ନିଜ କର୍ମକ୍ଷେତ୍ରରୁ ବାଇକଯୋଗେ ଘରକୁ ଫେରୁଥିବା ବେଳେ ବିରବଲ ନାଗ ନାମକ ଜଣେ ବ୍ୟକ୍ତି ଦୁର୍ଘଟଣାର ଶିକାର ହୋଇଛନ୍ତି ।
ଏହାପରେ କଲମପୁର ଡାକ୍ତରଖାନାରେ ତାଙ୍କ ଅବସ୍ଥା ସଙ୍କଟାପନ୍ନ ହେବାରୁ ଭବାନୀପାଟଣା ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର କରାଗଲା । ସେଠାରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା । ତେବେ ଏନେଇ ପରିବାର ପକ୍ଷରୁ କଲମପୁର ଜୁନାଗଡ ରାସ୍ତା ବାବୁକେନ୍ଦୁଗୁ଼ଡାଠାରେ ରାସ୍ତା ଅବରୋଧ କରିଥିଲେ ।
ଅଜଣା ଗାଡି ଧକ୍କାରେ ଜଣଙ୍କର ମୃତ୍ୟୁ
କ୍ଷତିପୂରଣ ଦାବିରେ ଗ୍ରାମବାସୀ, ପରିବାର ତଥା ସମ୍ପର୍କୀୟ ମୁଖ୍ୟ ରାସ୍ତା ବନ୍ଦ କରିଥିଲେ ଫଳରେ ଯାନବାହାନ ଚଳାଚଳ ବନ୍ଦ ରହିଥିଲା । ତେବେ ପୋଲିସ ଅଧିକାରୀ ମନୋରଞ୍ଜନ ଆଚାର୍ଯ୍ୟ ତଦନ୍ତ ଜାରି ରଖିଛନ୍ତି । ଅନ୍ୟପକ୍ଷେ ଏକ ମାଟି ବୋଝେଇ ଟ୍ରାକ୍ଟର ଦୁର୍ଘଟଣା ଘଟାଇଥିବା ପରିବାର ପକ୍ଷରୁ ସୂଚନା ଦିଆଯାଇଛି ।
କଳାହାଣ୍ଡିରୁ ଅଜିତ୍ ସିଂହ, ଇଟିଭି ଭାରତ
