କଳାହାଣ୍ଡି: ଜିଲ୍ଲାର ରାମପୁର ଥାନା ଅନର୍ଗତ ତଳନାଗି ଗ୍ରାମପଞ୍ଚାୟତ ନିକଟ ବାଗବେଡା ଗ୍ରାମରେ ବଜ୍ରପାତ ଯୋଗୁଁ ଜଣେ ବ୍ୟକ୍ତିଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇଛନ୍ତି । ମୃତ ବ୍ୟକ୍ତି ଜଣକ 26 ବର୍ଷୀୟ ମନଧର ମାଝୀ ବୋଲି ଜଣା ପଡିଛି ।
ସୂଚନା ଅନୁଯାୟୀ ମଙ୍ଗଳବାର ଅପରାହ୍ନ 4ଟା ବେଳେ ବାଗବେଡା ଗ୍ରାମର ସୋମନାଥ ମାଝୀ ଓ ମନଧର ମାଝୀ ଜଙ୍ଗଲକୁ ଜାଳେଣୀ ଆଣିବା ପାଇଁ ଯାଇଥିବା ସମୟରେ ବଜ୍ରପାତର ଶୀକାର ହୋଇଥିଲେ । ଗୁରୁତର ଅବସ୍ଥାରେ ଉଭୟଙ୍କୁ ନବରଙ୍ଗପୁର ତେନ୍ତୁଳିଖୁଣ୍ଟି ଥାନାରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ମନଧରଙ୍କୁ ମୃତ ଘୋଷଣା କରିଥିଲେ । ତେବେ ଗୁରୁତର ଅବସ୍ଥାରେ ସୋମନାଥ ଡାକ୍ତରଖାନାରେ ଚିକିତ୍ସିତ ଥିବା ଜଣା ପଡିଛି ।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
