ଭବାନୀପାଟଣା: କଳାହାଣ୍ଡି ଜିଲ୍ଲା ଜୟପାଟଣା ଥାନା ଧନସୁଲି ପଞ୍ଚାୟତ ଛତାବାନ୍ଦୁଗୁଡାରେ ଘଟିଛି ଏକ ଅଭାବନୀୟ ଘଟଣା । ଇନ୍ଦ୍ରାବତୀ କେନାଲରୁ ଜଣେ ବିବାହିତ ମହିଳାଙ୍କ ମୃତଦେହ ଉଦ୍ଧାର ହୋଇଛି ।
ସୂଚନାନୁସାରେ ଛତାବାନ୍ଦୁଗୁଡା ଗାଁର ସୀତାମଣି ଜାନୀ ବୁଧବାର ସକାଳୁ ଶୌଚ ପାଇଁ ଯାଇ ଆଉ ଘରକୁ ଫେରି ନଥିଲେ । ବହୁତ ସମୟ ଯାଏ ସୀତାମଣି ଘରକୁ ନଫେରିବାରୁ ସ୍ବାମୀ ଓ ପରିବାର ଲୋକ ତାଙ୍କୁ ବହୁତ ଖୋଜା ଖୋଜି କରିଥିଲେ । ତାଙ୍କୁ ନ ପାଇବାରୁ ଜୟପାଟଣା ଥାନାରେ ପରିବାର ଲୋକ ନିଖୋଜ ଥିବା ନେଇ ଏକ ମାମଲା ଦାୟର କରିଥିଲେ ।
ରବିବାର ସକାଳୁ ଇନ୍ଦ୍ରାବତୀ କେନାଲରେ ଜଣେ ମହିଳାଙ୍କର ମୃତଦେହ ଭାସୁଥିବା ଦେଖି ସ୍ଥାନୀୟ ଲୋକ ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିଥିଲା । ମୃତଦେହଟି ନିଖୋଜ ମହିଳା ସୀତାମଣିଙ୍କର ବୋଲି ଚିହ୍ନଟ କରି ଜୟପାଟଣା ପୋଲିସ ତାଙ୍କ ପରିବାର ଲୋକଙ୍କୁ ସୂଚନା ଦେଇଥିଲା ।
ଏହା ପରେ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ଶବକୁ ବ୍ୟବଚ୍ଛେଦ ପରେ ପରିବାର ବର୍ଗଙ୍କୁ ହସ୍ତାନ୍ତର କରି ତଦନ୍ତ ଜାରି ରଖିଛି।
କଳାହାଣ୍ଡିରୁ ଅଜିତ୍ କୁମାର ସିଂ, ଇଟିଭି ଭାରତ
