ଭବାନୀପାଟଣା: ଦ୍ବିତୀୟ ଲହର କୋପରେ ରାଜ୍ୟରେ ବଢିଚାଲିଛି ସଂକ୍ରମଣ । କୋରୋନା କୋପରୁ ବାଦ ପଡିନି କଳାହାଣ୍ତି ଜିଲ୍ଲା । ଜିଲ୍ଲାରେ ବର୍ତ୍ତମାନ ସୁଦ୍ଧା 10ହଜାରରୁ ଅଧିକ ଆକ୍ରାନ୍ତ ଚିହ୍ନଟ ହୋଇଛନ୍ତି । ସଂକ୍ରମଣ ବୃଦ୍ଧି ପାଉଥିବାରୁ ଭବାନୀପାଟଣା ବଣିକ ସଂଘ ପକ୍ଷରୁ ସମସ୍ତ ଦୋକାନ ବଜାର ବନ୍ଦ କରି ଦିଆଯାଇଛି ।
ଆଜିଠାରୁ ମେ 3 ତାରିଖ ପର୍ଯ୍ୟାନ୍ତ ସହରର ସମସ୍ତ ଦୋକାନ ବଜାର ବନ୍ଦ ରଖିବାକୁ ଘୋଷଣା କରାଯାଇଛି । ଖାଲି ଦୋକାନା ବଜାର ନୁହେଁ ଗାଡି ଚଳାଚଳ ମଧ୍ୟ ବନ୍ଦ ରହିଛି । ଜରୁରୀ କାମ ନଥିଲେ କେହି ଘରୁ ବାହାରୁ ନାହାନ୍ତି । ରାସ୍ତାଘାଟ ଖାଁ ଖାଁ ଦେଖିବାକୁ ମିଳିଛି । ସହରରେ ଏକ ପ୍ରକାର କର୍ଫ୍ୟୁର ଚିତ୍ର ଦେଖିବାକୁ ମିଳିଛି ।
ସହରରେ ଏହି ଦୋକାନ ବଜାର ବନ୍ଦ ନିଷ୍ପତ୍ତିରେ ବଢୁଥିବା ସଂକ୍ରମଣ ସଂଖ୍ୟାରୋ ରୋକ ଲାଗି ପାରିବ ବୋଲି ବଣିକ ସଂଘ ପକ୍ଷରୁ ଆଶା ରଖାଯାଇଛି । ଏହି ବନ୍ଦରେ ଜରୁରୀକାଳୀନ ସେବାକୁ ବାଦ ଦିଆଯାଇଛି । ଆଜି କଳାହାଣ୍ଡି ଜିଲ୍ଲାରେ 126 ନୂଆ ପଜିଟିଭ ଚିହ୍ନଟ ହୋଇଛନ୍ତି ।
କଳାହାଣ୍ଡିରୁ ଅଜିତ କୁମାର ସିଂ,ଇଟିଭି ଭାରତ
