ଭବାନୀପାଟଣା: କଳାହାଣ୍ଡି ଜଙ୍ଗଲ ରାସ୍ତାରେ ଚାଷୀଙ୍କୁ ଦୁର୍ବୃତ୍ତଙ୍କ ଆକ୍ରମଣ । କପା ବିକ୍ରି ଟଙ୍କା ନେଇ ଗାଁକୁ ଫେରିବା ବାଟରେ ବାପା-ପୁଅ ଉପରେ ଆକ୍ରମଣ କରି 6 ଲକ୍ଷ ଟଙ୍କା ଲୁଟି ନେଲେ ଲୁଟେରା । ଜୁନାଗଡ ଥାନା ବୋରଗୁଡା ନିକଟରେ ଲୁଟ ଅଭିଯୋଗ । ତେବେ ଏହି ଆକ୍ରମଣରେ ଚିକିତ୍ସାଧୀନ ଅବସ୍ଥାରେ ପୁଅ ବଳଭଦ୍ର ନାଏକ ଭବାନୀପାଟଣା ମୁଖ୍ୟ ଚିକିତ୍ସାଳୟରେ ପ୍ରାଣ ହରାଇଛନ୍ତି ।
କପାଚାଷୀଙ୍କୁ ମରଣାନ୍ତକ ଆକ୍ରମଣ
ସେପଟେ ଅଭିଯୋଗ ଅନୁସାରେ ତିନି ଦୁର୍ବୃତ୍ତ ମୋଟର ସାଇକେଲରେ ଆସି ଲୁହା ରଡରେ ବାପା-ପୁଅଙ୍କୁ ଆକ୍ରମଣ କରି ଲୁଟି ନେଇଛନ୍ତି ଟଙ୍କା । ଘଟଣା ପରେ ଉଭୟଙ୍କୁ ଭବାନୀପାଟଣା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ବାପା କ୍ଷୀତି ନାଏକ ବର୍ତ୍ତମାନ ଚିକିତ୍ସିତ ହେଉଛନ୍ତି । ଘଟଣାର ଖବର ପାଇ ପୋଲିସ ତଦନ୍ତ ପାଇଁ ଘଟଣାସ୍ଥଳକୁ ପହଞ୍ଚି ଦେଶୀ ବନ୍ଧୁକ ଜବତ କରିଛି ।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
