କଳାହାଣ୍ଡି: ଥମୁନି ଚାଷୀ ଆତ୍ମହତ୍ୟା । ବିଭିନ୍ନ ଋଣ ବୋଝ, ଫସଲ ହାନୀ ପାଇଁ ବାରମ୍ବାର ଚାଷୀ ଆତ୍ମହତ୍ୟା କରୁଥିବା ଘଟଣା ସାମନାକୁ ଆସୁଛି । ସେହିପରି କଳାହାଣ୍ଡି ଜିଲ୍ଲା କେସିଙ୍ଗା ବ୍ଲକ ବାହାଦୁର ପଦର ଗାଁର ଚାଷୀ ଡମ୍ବରୁ ପୋଢ ଆତ୍ମହତ୍ୟା ଉଦ୍ୟମ କରିଛନ୍ତି ।
ଚାଷୀ ଡମ୍ବୁରଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ଭବାନୀପାଟଣା ମୁଖ୍ୟ ଚିକିତ୍ସାଳୟରୁ ବୁର୍ଲାକୁ ସ୍ଥାନାନ୍ତର କରାଯାଇଛି । ଜଳନିଧି ଯୋଜନା ଗଭୀର କୂଅ ଖନନ ପାଇଁ ମହାଜନ ଋଣ ଟଙ୍କା ସୁଝି ନ ପାରି ଆତ୍ମହତ୍ୟା ଉଦ୍ୟମର କାରଣ ବୋଲି ପରିବାର ବର୍ଗ ଅଭିଯୋଗ କରିଛନ୍ତି ।
2015/16 ବର୍ଷ ଜଳନିଧି ଯୋଜନାରେ କାର୍ଯ୍ୟାଦେଶ ପାଇ କୂଅ ଖନନ କରିଥିଲେ ବି କୃଷି ବିଭାଗ ଅଦ୍ୟାବଧି ଟଙ୍କା ପଇଠ କରିନାହିଁ । ଫଳରେ ଗତ ତିନିବର୍ଷ ମଧ୍ୟରେ କରଜ ଟଙ୍କା ସୁଧ ସହ ଲକ୍ଷାଧିକ ଟଙ୍କା ସୁଝି ନ ପାରି କୀଟନାଶକ ପିଇ ସେ ଆତ୍ମହତ୍ୟା ଉଦ୍ୟମ କରିଥିବା ପରିବାର ବର୍ଗ ଅଭିଯୋଗ କରିଛନ୍ତି । ଏନେଇ ଡାକ୍ତରଖାନାକୁ ଯାଇ ପୀଡିତ ଚାଷୀଙ୍କ ପରିବାରଙ୍କୁ ଭେଟିଛନ୍ତି ବିରୋଧୀ ଦଳନେତା ।
କଳାହାଣ୍ଡିରୁ ଅଜିତ୍ ସିଂ, ଇଟିଭି ଭାରତ
