ଭବାନୀପାଟଣା: କଳାହାଣ୍ଡି ଜିଲ୍ଲା କେସିଙ୍ଗା ଥାନା ଅନ୍ତର୍ଗତ କେନ୍ଦୁପଡା ଅର୍ଣ୍ଣପୁରଣା ରାଇସ ମିଲ ଛାତ ଉପରୁ ଖସି ପିଡ଼ି ଜଣେ ଶ୍ରମିକଙ୍କ ମୃତ୍ୟୁ ଘଟିଛି । ଖବର ପାଇ ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଥିବା ଜଣାପଡ଼ିଛି ।
Ricemill ଛାତରୁ ପଡି ଶ୍ରମିକ ମୃତ
କେନ୍ଦୁପଡାଠାରେ ଥିବା ଅର୍ଣ୍ଣପୁରଣା ରାଇସମିଲ ଛାତ ଉପରେ ଶ୍ରମିକ ଜଣକ କାମ କରୁଥିବା ବେଳେ ଗୋଡ଼ ଖସିଯିବାରୁ ସେ ତଳେ ପଡିଯାଇଥିଲେ । ଗୁରୁତର ଅବସ୍ଥାରେ ତାଙ୍କୁ ପ୍ରଥମେ ଉତ୍କେଲା ଓ ପରେ ବରଗଡ଼ ଡାକ୍ତରଖାନାକୁ ନିଆଯାଇଥିଲା । ହେଲେ ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଥିଲେ। ମୃତ ଶ୍ରମିକ ଜଣକ ବୌଦ୍ଧ ଜିଲ୍ଲା ମାନମୁଣ୍ଡ ଅଞ୍ଚଳର ମିଟୁ ମଲ୍ଲିକ ବୋଲି ଜଣାପଡିଛି। ତେବେ ଏ ସମ୍ପର୍କରେ ଖବର ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
