କଳାହାଣ୍ଡି: ଆଗାମୀ ସାଧାରଣ ନିର୍ବାଚନକୁ ନେଇ ଜୋରସୋରରେ ଚାଲିଛି ନିର୍ବାଚନୀ ପ୍ରଚାର । ତୃଣମୂଳ ସ୍ତରରେ ଲୋକଙ୍କ ସହ ଚାଲିଛି ନେତାଙ୍କ ଭେଟଘାଟ । ତେବେ କିପରି ଚାଲିଛି ନିର୍ବାଚନୀ ପ୍ରସ୍ତୁତି ଓ କ'ଣ ରହିଛି ନିର୍ବାଚନ ଲଢିବାର ମୁଖ୍ୟ ମୁଦ୍ଦା, ସେନେଇ ନେତାଙ୍କୁ ପାଞ୍ଚଟି ପ୍ରଶ୍ନ କାର୍ଯ୍ୟକ୍ରମରେ ଆମେ ଭେଟିଥିଲୁ କଳାହାଣ୍ଡି ସଦର ନିର୍ବାଚନ ମଣ୍ଡଳୀର ବିଜେଡି ବିଧାୟକ ପ୍ରାର୍ଥୀ ଦୁଷ୍ମନ୍ତ ନାୟକଙ୍କୁ ।
ଜିଲ୍ଲାରେ ଥିବା କେତେକ ପ୍ରମୁଖ ସମସ୍ୟା ଯଥା ବାଇପାସ ରୋଡ ଓ କେସିଙ୍ଗା ବ୍ରିଜ ଆଦି ତାଙ୍କର ନିର୍ବାଚନୀ ମୁଦ୍ଦା ରହିବ ବୋଲି ସେ କହିଥିଲେ । ସେହିପରି ଜିଲ୍ଲାର ଅନ୍ୟତମ ସମସ୍ୟା ଯଥା ପାନୀୟ ଜଳ ଓ ପରିମଳ ସମସ୍ୟା ଆଦିର ମଧ୍ୟ ସେ ସମାଧାନ କରିବା ନେଇ ପ୍ରତିଶୃତି ଦେଇଛନ୍ତି ।
ପୂର୍ବରୁ ବିରୋଧୀ ଦଳରେ ଥିବା ସତ୍ତ୍ବେ ତାଙ୍କ ନିଷ୍ଠାପର କାମ ପାଇଁ ତାଙ୍କ ପ୍ରତି ଲୋକଙ୍କ ସମର୍ଥନ ରହିଛି । ତେଣୁ ଆଗାମୀ ନିର୍ବାଚନରେ ତାଙ୍କର କୌଣସି ପ୍ରତିଦ୍ବନ୍ଦୀ ନାହାଁନ୍ତି ବୋଲି ସେ ଦୃଢୋକ୍ତି ପ୍ରକାଶ କରିଛନ୍ତି ।
କଳାହାଣ୍ଡିରୁ ଅଜିତ୍ ସିଂ, ଇଟିଭି ଭାରତ
