କଳାହାଣ୍ଡି: କୋରୋନା ସଚେତନତା ନେଇ କଳାହାଣ୍ଡି ଜିଲ୍ଲା କୋକସରା ବ୍ଲକ ସଭାଗୃହରେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ କୋରୋନାକୁ ନେଇ ସଚେତନତା କରାଇବା ପାଇଁ ଶପଥ ନେଲେ ଅଞ୍ଚଳବାସୀ । ଏବେ ସବୁଆଡେ ଘାରିଛି କୋରୋନା ଭୟ । ଚୀନରେ ସଂକ୍ରମିତ ହୋଇଥିବା ଏହି ରୋଗ ଆଜି ୧୨୪ ଦେଶରେ ଏକ ମହାମାରୀର ରୁପ ନେଇ ହଜାର ହଜାର ଲୋକଙ୍କ ଜୀବନ ନେଇଥିବା ବେଳେ ଏହି ଭାଇରସରୁ ନିରାକରଣ ପାଇଁ ସଚେତନତା ହିଁ ଏକମାତ୍ର ବିକଳ୍ପ ।
ଆମ ଦେଶ ରେ ମଧ୍ୟ ଏହି ଭାଇରସ ରେ ସଂକ୍ରମିତ ହୋଇ କିଛି ବ୍ୟକ୍ତି ଚିକିତ୍ସିତ ହେଉଥିବା ବେଳେ ଓଡ଼ିଶାରେ ମଧ୍ୟ କିଛି ଲୋକ ସଂକ୍ରମିତ ହୋଇଥିବା ସୂଚନା ମିଳିଛି। ଏନେଇ ରାଜ୍ୟ ସରକାର ଓ ସ୍ବାସ୍ଥ୍ୟ ବିଭାଗ ରାଜ୍ୟରେ କୋରୋନାକୁ ନେଇ ସଚେତନତା କାର୍ଯ୍ୟକ୍ରମ ଆରମ୍ଭ କରିଥିଲେ । ଏନେଇ କଳାହାଣ୍ଡି ଜିଲ୍ଲା କୋକସରା ବ୍ଲକ ସଭାଗୃହରେ ମଧ୍ୟ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।
ବ୍ଲକ ଅଧ୍ୟକ୍ଷା ଶବ୍ୟାରାଣୀ ବାଗ ବିଡ଼ିଓ ମନୀଷା ଦାସ, ସ୍ବାସ୍ଥ୍ୟ ପରାମର୍ଶଦାତା ଚିଦାନନ୍ଦ ପଣ୍ଡା ସମେତ ବିଭିନ୍ନ ପଞ୍ଚାୟତର ଜନ ପ୍ରତିନିଧି ସାମ୍ବାଦିକ ଓ ଜନସାଧାରଣ ଉପସ୍ଥିତ ରହି ନିଜ ନିଜ ପଞ୍ଚୟତ ରେ ଜନ ସଚେତନତା କରିବାକୁ ସଚେତନତା ସଭା ରେ ଶପଥ ନେଇଥିଲେ ।
କଳାହାଣ୍ଡିରୁ ଅଜିତ କୁମାର ସିଂ,ଇଟିଭି ଭାରତ
