ଭବାନୀପାଟଣା: ରାଜ୍ୟସ୍ତରୀୟ କରାଟେ ଚମ୍ପିଆନ୍ସିପ୍ରେ ୩ଟି ସ୍ବର୍ଣ୍ଣ ପଦକ ଓ ୩ଟି କାଂସ୍ୟ ପଦକ ହାସଲ କରିଥିଲେ କଳାହାଣ୍ଡିର କ୍ରୀଡ଼ାବିତ୍ । ସ୍ବର୍ଣ୍ଣ ପଦକ ବିଜୟୀ କ୍ରୀଡ଼ାବିତ ରାଜ୍ୟସ୍ତରୀୟ ଉଷୁ ଚମ୍ପିଆନ୍ସିପ୍ରେ ଭାଗ ନେବାକୁ ମନୋନୀତ ହୋଇଛନ୍ତି । ଏହାକୁ ନେଇ ଜିଲ୍ଲା କ୍ରୀଡ଼ା ବିଭାଗ ପକ୍ଷରୁ ସେମାନଙ୍କୁ ସମ୍ବର୍ଦ୍ଧିତ କରାଯାଇଛି ।
ଏହା ବି ପଢ଼ନ୍ତୁ ରାଜ୍ୟସ୍ତରୀୟ କରାଟେ ଚମ୍ପିଆନସିପ୍: କଳାହାଣ୍ଡିକୁ ୩ ସ୍ବର୍ଣ୍ଣ ପଦକ
କ୍ରୀଡ଼ାବିତଙ୍କ ପାଇଁ ଜିଲ୍ଲା ପ୍ରଶାସନ ପକ୍ଷରୁ ଏକ ସମ୍ବର୍ଦ୍ଧନା କାର୍ଯ୍ୟକ୍ରମ ଆୟୋଜନ କରାଯାଇଥିଲା । କରାଟେ କୋଚ୍ କୃଷ୍ଣଚନ୍ଦ୍ର ସାହୁ ଏହି ସମ୍ବର୍ଦ୍ଧନା କାର୍ଯ୍ୟକ୍ରମରେ ସାମିଲ ହୋଇ କ୍ରୀଡ଼ାବିତଙ୍କୁ ସମ୍ବର୍ଦ୍ଧିତ କରିଛନ୍ତି । ହିମାଚଳ ପ୍ରଦେଶ ହେବାକୁ ଥିବା ଜାତୀୟସ୍ତରୀୟ ଉଷୁ ପ୍ରତିଯୋଗିତାରେ କଳାହାଣ୍ଡିର କରାଟେ କ୍ରୀଡ଼ାବିତ୍ ଭାଗ ନେବେ ।
ପାର୍ଥ ସାରଥୀ ରାଉତ, ବିଭାନ ବୈଭବ ସାହୁ, ଲୋକେଶ ରଞ୍ଜନ ନିଆଲ, ଜାତୀୟସ୍ତରୀୟ ଉଷୁ ଚମ୍ପିୟାନସିପରେ ଖେଳିବା ପାଇଁ ମନୋନୀତ ହୋଇଛନ୍ତି । ଜାତୀୟ ସ୍ତରରେ କ୍ରୀଡ଼ିବିତ୍ ଯେଭଳି ଭଲ ପ୍ରଦର୍ଶନ କରିବେ ସେନେଇ ସମସ୍ତ ପ୍ରକାର ସହାୟତା ଯୋଗାଇ ଦିଆଯିବ ବୋଲି କଳାହାଣ୍ଡି କ୍ରୀଡା ଅଧିକାରୀ କହିଛନ୍ତି । ସମ୍ବର୍ଦ୍ଧନା କାର୍ଯ୍ୟକ୍ରମରେ ଜିଲ୍ଲା କ୍ରୀଡ଼ା ଅଧିକାରୀ ସୁବାଷ ନାଏକଙ୍କ ସମେତ ସମାଜସେବୀ ରାଜୀବ ଲୋଚନ ଶତପଥୀ ପ୍ରମୁଖ ଉପସ୍ଥିତ ରହିଥିଲେ ।
