ଭବାନୀପାଟଣା: ଭୁବନେଶ୍ବରସ୍ଥିତ ରେଲୱେ ଇଣ୍ଡୋର ଷ୍ଟାଡିୟମଠାରେ ଓପନ ଓଡିଶା ଷ୍ଟେଟ କରାଟେ ଚାମ୍ପିୟନସିପରେ କମାଲ କରିଛି କଳାହାଣ୍ଡି । ପ୍ରତିଯୋଗିତାରେ ୨ଟି ସ୍ବର୍ଣ୍ଣ ଜିତିଛନ୍ତି କୁନି କରାଟେ ଖେଳାଳି । ଓଡିଶା ଆମାଚର କରାଟେ ସଙ୍ଘ ତରଫରୁ ଏହି ପ୍ରତିଯୋଗିତା ହୋଇଥିଲା ।
କଳାହାଣ୍ଡି ମୁଖ୍ୟ କୋଚ ସେକ୍ରେଟାରୀ ସେନସେଇ କୃଷ୍ଣ ଚନ୍ଦ୍ର ସାହୁଙ୍କ ନେତୃତ୍ବରେ 9 ଜଣ କରାଟେ ଖେଳାଳି ମନୋନୀତ ହୋଇ ପ୍ରତିଯୋଗିତାରେ ଭାଗ ନେଇଥିଲେ । ସେମାନଙ୍କ ମଧ୍ୟ୍ୟରେ ଲୋକେସ ନିଆଲ 34 କେଜିରୁ ଊର୍ଦ୍ଧ୍ବ ବାଳକ ବିଭାଗରେ କାତା ଓ କୁମିତେରେ 2 ଟି ସ୍ବର୍ଣ୍ଣ ପଦକ ଜିତିଥିବାବେଳେ ଆର. ନିଖିଲେଶ 57 କେଜିରୁ କମ 14-15 ବାଳକ କୁମିତେ ବିଭାଗରେ ରୋପ୍ୟ ପଦକ ଜିତିଛନ୍ତି । ସେହିପରି 34 କେଜିରୁ ଊର୍ଦ୍ଧ୍ବ 10-11 ବର୍ଷ ବାଳକ କୁମିତେ ବିଭାଗରେ ଆର. ଶ୍ରୀୟାଂଶ ଆଚାର୍ଯ୍ୟ ରୋପ୍ୟ ପଦକ ପାଇଥିବାବେଳେ 10 ବର୍ଷରୁ କମ ବାଳକ କାତା ବିଭାଗରେ ରୌପ୍ୟ ପଦକ ଜିତି କରାଟେ ଖେଳାଳିମାନେ ଜିଲ୍ଲା ପାଇଁ ଗୌରବ ଆଣିଛନ୍ତି ।
କଳାହାଣ୍ଡି ଜିଲ୍ଲା କରାଟେ ସଂଘ ସାଧାରଣ ସମ୍ପାଦକ ଓ ମୁଖ୍ୟ କୋଚ ସେନସେଇ କୃଷ୍ଣ ଚନ୍ଦ୍ର ସାହୁ ଆଗକୁ କଳାହାଣ୍ଡି ଜିଲ୍ଲାରେ ଉଚ୍ଚସ୍ତରୀୟ କରାଟେ ପ୍ରଶିକ୍ଷଣ ଶିବିର ଆୟୋଜନ ହେବ ବୋଲି ସୂଚନା ଦେଇଛନ୍ତି । ଖେଳାଳିମାନଙ୍କର ଏହି ସଫଳତା ପାଇଁ କଳାହାଣ୍ଡିର ସମସ୍ତ ମହଲ ଓ ସଂଘରୁ ଶୁଭେଚ୍ଛାର ସୁଅ ଛୁଟୁଛି। ଗତ 19 ତାରିଖରେ ଭୁବନେଶ୍ବରସ୍ଥିତ ରେଲୱେ ଇଣ୍ଡୋର ଷ୍ଟାଡିଅମଠାରେ ଓପନ ଓଡିଶା ଷ୍ଟେଟ କରାଟେ ଚାମ୍ପିୟନସିପ ହୋଇଥିଲା l ଓଡିଶା ଆମାଚର କରାଟେ ସଙ୍ଘ ତରଫରୁ ଏହି ପ୍ରତିଯୋଗିତା ହୋଇଥିଲା । କାରାଟେ ଆସୋସିଏସନ ଅଫ ଇଣ୍ଡିଆ ଦ୍ବାରା ଅନୁମୋଦନ କ୍ରମେ କେ. ଏ. ଆଇ. (କାଇ) ସାଧାରଣ ସମ୍ପାଦକ ହାଂଶୀ ରାଜନୀଷ ଚୌଧୁରୀ ଓ ଓଡିଶା ଆମାଚର କରାଟେ ସଙ୍ଘ ସଭାପତି ଶୀହନ ଏସ. ଏସ. ହରିଚନ୍ଦନ, ଅର୍ଗାନାଇଜ ସେକ୍ରେଟାରୀ ଶୀହାନ ବଳରାମ ନାଏକଙ୍କ ଦ୍ଵାରା ଆୟୋଜନ ହାଇଥିଲା ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
