ଭବାନୀପାଟଣା:ଭିଜିଲାନ୍ସ ଜାଲରେ ସବ ଇନ୍ସପେକ୍ଟର । ବାଇକରେ ଟଙ୍କା ନେଇ ଯାଉଥିବା ସମୟରେ ଧରିଲା ଭିଜିଲାନ୍ସ । ସମ୍ପୃକ୍ତ ସବଇନ୍ସପେକ୍ଟରଙ୍କୁ ଭିଜିଲାନ୍ସ ଗିରଫ କରିବା ସହ ତାଙ୍କ ସରକାରୀ ବାସ ଭବନରେ ମଧ୍ୟ ଖୋଳତାଡ କରିଛି ।
କଳାହାଣ୍ଡି ଜିଲ୍ଲା ଗୋଲାମୁଣ୍ଡା ଥାନା ସବ ଇନ୍ସପେକ୍ଟର ଉଗ୍ରସେନ ପଟେଲଙ୍କ ଠାରୁ ଲକ୍ଷାଧିକ ଟଙ୍କା ଜବତ କରିଛି ଭିଜିଲାନ୍ସ । ଜିଲ୍ଲା ପ୍ରଶାସନର ସୂଚନା ଅନୁଯାୟୀ ସବ୍-ଇନସ୍ପେକ୍ଟର ଉଗ୍ରସେନ ପଟେଲ ନିଜ ମୋଟର ସାଇକେଲ ଡିକିରେ ଦୁଇ ଲକ୍ଷ ଟଙ୍କା ନେଇ ଯାଉଥିବା ଭିଜିଲାନ୍ସ ବିଭାଗ ବିଶ୍ୱସ୍ତ ସୂତ୍ରରୁ ସୂଚନା ପାଇଥିଲା । ସୂଚନା ଆଧାରରେ ଚଢ଼ାଉ କରି ମୋଟର ସାଇକେଲ ଡିକିରୁ ୨ ଲକ୍ଷ ଟଙ୍କା ଜବତ କରିଛି ଭିଜିଲାନ୍ସ ।
ଜବତ ଟଙ୍କା ବାବଦରେ ପଚରାଉଚରା ପରେ ସବ ଇନ୍ସପେକ୍ଟର କୌଣସି ସନ୍ତୋଷଜନକ ଉତ୍ତର ଦେଇ ପାରିନଥିଲେ । ପରେ ଭିଜିଲାନ୍ସ ବିଭାଗ ଉଗ୍ରସେନଙ୍କୁ ଗିରଫ କରିବା ସହ ବଲାଙ୍ଗୀରରେ ଥିବା ତାଙ୍କ ବାସଭବନ ସମେତ ଗୋଲାମୁଣ୍ଡାରେ ଥିବା ସରକାରୀ ବାସ ଭବନରେ ଚାଢ଼ାଉ କରିଥିବା ଭିଜିଲାନ୍ସ ବିଭାଗର ସ୍ୱତନ୍ତ୍ର ଟିମ ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
