କଳାହାଣ୍ଡି: ଉଦଯାପିତ ହୋଇଛି କଳାହାଣ୍ଡିରେ ଚାଲିଥିବା କ୍ରିକେଟ ଟୁର୍ଣ୍ଣାମେଣ୍ଟ । କଳାହାଣ୍ଡି ବିଶ୍ଵ ବିଦ୍ୟାଳୟ ଖେଳ ପଡ଼ିଆରେ ଦ୍ଵିତୀୟ ପ୍ରଶାସନିକ କପ କ୍ରିକେଟ ଟୁର୍ଣ୍ଣାମେଣ୍ଟରେ ଖେଳାଯାଉଥିଲା । ଆଜି (ସୋମବାର) ଏହାର ଫାଇନାଲ ମ୍ୟାଚ ଶେଷ ହୋଇଛି । ବେଦାନ୍ତ ଲିମିଟେଡ, ଉତ୍କଳ ଆଲୁମିନା ଓ ଜିଲ୍ଲା ପ୍ରଶାସନର ମିଳିତ ଆନୁକୂଲ୍ୟରେ ଏହି ଟୁର୍ଣ୍ଣାମେଣ୍ଟ ଆୟୋଜିତ ହୋଇଥିଲା । ଏହି ଟୁର୍ଣ୍ଣାମେଣ୍ଟର ଉଦଯାପନ ଉତ୍ସବରେ ଅତିଥି ଭାବରେ ଜିଲ୍ଲାପାଳ ପି ଅନ୍ବେଶା ରେଡ୍ଡୀ ଅତିରିକ୍ତ ଜିଲ୍ଲାପାଳ ସୁଶାନ୍ତ ପଟେଲ ପ୍ରମୂଖ ଯୋଗ ଦେଇ ଖେଳାଳି ମାନଙ୍କୁ ଉତ୍ସାହିତ କରିଥିଲେ ।
ଫାଇନାଲ ମ୍ୟାଚ ଏସପି ଏକାଦଶ ଓ ଏମ ରାମପୁର ବ୍ଲକ ମଧ୍ୟ ଖେଳାଯାଇଥିଲା । ଏମ ରାମପୁର ବ୍ଲକକୁ ପରାସ୍ତ କରି ଏସପି ଏକାଦଶ ବିଜୟୀ ଲାଭ କରିଥିଲା । ଏମ ରାମପୁର ବ୍ଲକ ରନର୍ସ ଅପରେ ସନ୍ତୁଷ୍ଟ ହୋଇଛି । ଉଭୟ ବିଜୟୀ ଓ ରନର୍ସଅପ ଦଳ ଅତିଥିଙ୍କଠାରୁ ପୁରସ୍କାର ଗ୍ରହଣ କରିଥିଲେ । ଏହି ଟୁର୍ଣ୍ଣାମେଣ୍ଟରେ ମୃତ୍ୟୁଞ୍ଜୟ ପଟେଲ ମେନ୍ ଅଫ ଦି ସିରିଜ ବିବେଚିତ ହୋଇଥିଲେ । ସେହିପରି ଦିନେଶ ବିଶି ମେନ ଅଫ ଦି ମ୍ୟାଚ ଓ ବେଷ୍ଟ ବ୍ୟାସ ମ୍ୟାନ୍ ଲଳିତ ମାଝୀ ବିବେଚିତ ହୋଇଥିଲେ ।
ଇଟିଭି ଭାରତ, କଳାହାଣ୍ଡି
